Саха сиригэр аракыата тобохторо түһүөхтэрэ
04.11.2024, 13:20
Хаартыска: «Восточный» космодром пресс-сулууспата
Бөлөххө киир:
Сэтинньи 5 күнүгэр сарсыарда 08:18 чаастан «Восточный» космодромтан «Союз-2.1б» аракыатаны көтүтүөхтэрэ. Аракыата тобохторо Саха сиригэр Алдан, Өлүөхүмэ, Бүлүү уонна Үөһээ Бүлүү улуустарын территорияларыгар түһэллэрэ быһаарылыннылар.
Бу улуустарынан куттал суох буолуутун хааччыйар сулууспатын быыһааччыларын бөлөхтөрө тэриллиннилэр уонна ыытыллыахтара. Бөлөхтөр наадалаах тиэхиньикэнэн уонна оборудованиеларынан толору хааччылыннылар.
СӨ Нэһилиэнньэтин олоҕор куттал суох буолуутун хааччыйар министиэристибэтэ аракыата көтүтэр күнүгэр тобохторо түһэр сабаҕаланар улуустарынан булчуттары, табаһыттары уонна балыксыттары тыаҕа тахсалларыттан туттунарга ыҥырдылар. Ыксаллаах быһыы-майгы түгэнигэр «112»нүөмэргэ эрийиҥ.
+1
2
+1
+1
+1
+1
6
+1
1
+1
5
Сообщить об опечатке
Текст, который будет отправлен нашим редакторам: