Хаартыска Гуманитарнай чинчийии уонна хотугу аҕыйах ахсааннаах омуктар проблемаларын институтун пресс-сулууспатыттан
Маннык быһаарыыны РФ историческай уопсастыбатын (РИО) Саха сиринээҕи салаатын Гуманитарнай чинчийии уонна хотугу аҕыйах ахсааннаах омуктар проблемаларын институтугар ыытыллыбыт тэрээһин мунньаҕар ылылынна.
Мунньах кулун тутар 22 күнүгэр Москваҕа теракт кэмигэр өлбүт дьону кэриэстээн тохтобул мүнүүтэттэн саҕаланна.
«Бэйэбит историябытын үөрэтиэххэ, киэн туттуохха, оҕолорбутугар, сиэннэрбитигэр кэпсиэххэ наада, дойдубут, өрөспүүбүлүкэбит историятын билбэт эрээри инники кэскилин өйдүүр кыаллыбат. Арассыыйа уонна Саха сирин судаарыстыбаннаһын төрүттэниитин туһунан билии-көрүү биһиги норуот, өрөспүүбүлүкэ, дойду быһыытынан сайдарыбытыгар көмөлөһүөҕэ», – диэн Ил Дархан Айсен Николаев эрдэ бэлиэтээн турар.
Бу туһунан СӨ Баһылыгын уонна Бырабыыталыстыбатын пресс-слууспата иһитиннэрэр.
Саха сиригэр Арассыыйа историческай уопсастыбатын салаатын бэрэссэдээтэлинэн Гуманитарнай чинчийии уонна хотугу аҕыйах ахсааннаах омуктар проблемаларын институтун дириэктэрин Сардаана Боякова кандидатурата, оттон бэрэссэдээтэли солбуйааччынан бу институт кылаабынай научнай үлэһитин Андриан Борисовы кандидатураларын туруордулар. Бэрэссэдээтэл кандидатурата кэлин Уопсастыба Президиумунан бигэргэниэҕэ.
Тэрээһиҥҥэ Арассыыйа историческай уопсастыба бырабылыанньатын бэрэссэдээтэлэ Руслан Гагкуев кыттыыны ылла, кини бу Уопсастыбаны тэрийиини уопсастыбанньыктар холбоһуктара өссө 2023 сыл алтынньытыгар көҕүлээбитин санатта. Ону тэҥэ кини култуура уонна үөрэх тэрилтэлэрин бэрэстэбиитэллэрин ыҥыран, Саха сиринээҕи салаа сэбиэтин кэҥэтэр наадатын бэлиэтээтэ.
Гуманитарнай чинчийии уонна хотугу аҕыйах ахсааннаах омуктар проблемаларын институтун дириэктэрэ Сардаана Боякова өрөспүүбүлүкэҕэ наука сайдарыгар институт оруолун уонна саҥа тэриллэр Сэбиэти араас гуманитарнай идэлээх бэрэстэбиитэллэртэн таҥарга этии киллэрдэ.
Тэрээһин мунньахха Арассыыйа историческай уопсастыбатын Приморскай кыраайдааҕы салаатын бэрэссэдээтэлэ, история, археология уонна этнография институтун дириэктэрэ, РНА академига Николай Крадин кытынна.
Дьокуускайга сэтинньи 16 күнүгэр Ойуунускай уулуссаҕа элбэх кыбартыыралаах дьиэҕэ тахсыбыт баһаар кэнниттэн үгээрдээн икки оҕо 1-кы…
Амма улууһа мас тардыһыыга Федерация Куубагын күрэҕин түмүгүнэн Үөһээ Бүлүү улууһун хамаандатын кытта күүстээх киирсиитин…
Ахсынньы 14 күнүгэр сарсыарда 11 чаас саҕана Амур уобалаһын өттүттэн Нерюнгри диэки хайысханан айааннаан испит…
Соторутааҕыта Уус Алдан улууһун Эһэлээх сэлиэнньэтин таһыгар булчуттар бөрө үөрэ сиэбит сылгы өлүгүн булбуттара. Бу…
Бүгүн, ахсынньы 16 күнүгэр, Саха сиригэр соҕуруу, илин, хотугуу-илин кыралаан хаардыыр, соҕурууттан тыаллаах, Булуҥҥа, Анаабырга…
Бүгүн, ахсынньы 15 күнүгэр, Дьокуускайга 36 кв.м. иэннээх кыбартыыраҕа баһаар буолла. Өлбүттэр суохтар, биэс киһи…