Саха сиригэр Арассыыйа министиэристибэтин эспиэрдэрэ кэлэ сырыттылар

Бу күннэргэ Саха сиригэр НМИЦ былааннааһыҥҥа уонна сайдыыга наука-методика отделениетын научнай үлэһитэ Андрей Гайдаенко салайааччылаах   «НМИЦ здоровья детей» эспиэрдэр бөлөхтөрө кэлэн үлэлээтэ.

Бөлөх “Мэдиссиинэ национальнай чинчийэр кииннэрин ситимнэрин сайыннарыы уонна мэдиссиинэ инновацияҕа технологияларын олоххо киллэрии” федеральнай бырайыак чэрчитинэн кэллэ.

Үлэ кэмигэр исписэлиистэр оҕолор доруобуйаларыгар сүбэ-ама биэрдилэр уонна биир идэлээхтэригэр тэрээһин үлэҕэ көмөлөстүлэр.

«Эспиэрдэри кытары холбоһуктаах үлэ биһиги исписэлиистэрбитигэр олус туһалаах, таһаарыылаах буолла. Ыалдьыттар өрөспүүбүлүкэ педиатрияҕа сулууспатын үлэтин үрдүктүк сыаналаатылар, ону сэргэ мэдиссиинэ каадырдара үрдүк таһымнаахтарын  уонна балыыһалар тиэхиньикэнэн хааччыллыыларын бэлиэтээтилэр”, — диэн СӨ доруобуйа харыстабылын миниистирэ Лена Афанасьева иһитиннэрдэ.