Урбаанньыт күнүгэр тэрээһиннэр күүтэллэр

Саха сиригэр Арассыыйаҕа урбаанньыт күнүнэн араас тэрээһиннэр ыытыллаллар.

Бырааһынньыктааҕы нэдиэлэ кэмигэр ыам ыйын 31 күнүгэр диэри өрөспүүбүлүкэ араас оройуоннарыгар сэминээрдэр, төгүрүк остуоллар, аһаҕас аан күннэрэ, быыстапка-дьаарбаҥкалар, биисинэс көрсүһүүлэр, дьыалабыай оонньуулар буолуохтара.

Бу тэрээһиннэр урбаанньыттар көҕүлээһиннэрин өйүүргэ уонна сайыннарыыга, кинилэр дьыалабыай көхтөрүн үрдэтиигэ, дьыалабыай кэпсэтиилэри ыытыыга, ыччаты биисинэскэ тардыыга туһуланнылар. Манна биисинэс бэрэстэбиитэллэрэ, былаас уорганнара, түмсүүлэр, үөрэх тэрилтэлэрэ кытталлар.

“Урбаанньыт күнэ – бу халандаарга көннөрү күн буолбатах, бу биисинэс эрэгийиэн экэниэмикэтин сайыннарыыга киллэрэр дьоһун кылаатын бэлиэтээһин. Биһиги аһаҕастык кэпсэтэр былаһааккалары тэрийэбит, уопут атастаһабыт уонна Саха сирин экэниэмикэтин хамсатааччыларга кыаҕы биэрэбит”, — диэтэ Саха сирин урбааҥҥа, эргиэҥҥэ уонна туризмҥа миниистирэ Тимур Ханды.

Тэрийээччилэр бука барыгытын тэрээһиҥҥэ кыттарга ыҥыраллар, өйүүр миэрэлэри билсэн, киэҥ билиини, дьыалабыай сибээһи олохтуоххут.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/5236