Ааспыт сылларга искусственнай ардаҕы түһэрии эспэримиэнэ көдьүүстээҕэ дакаастанан, баһаар турар кэмигэр салҕанара быһаарылынна.
Итини таһынан быйыл бэйэбит зондировщик сөмөлүөттэниэхпит. Бу иннинэ маннык технология айылҕа баһаарын умулуннарыыга эрэ туһаныллыбыт буоллаҕына, Ил Дархан Айсен Николаев көҕүлээһининэн, ааспыт сылтан баһаарынай кутталы кыччатарга тутталлар. Искусственнай ардаҕы түһэрэр сөмөлүөттэр уот турбутун эрэ умулуннарар буолбакка, баһаар буолуон иннинэ ардаҕы түһэрэргэ үлэлииллэр. Быйыл өрөспүүбүлүкэ бүддьүөтүгэр онно анаан, ааспыт сыллааҕы курдук, 80 мөл. солк. угулунна.
«2022 сыллааҕы эспэримиэн көдьүүстээҕин көрдөрдө, баһаар туруон сөптөөх 2-5 кылаастаах кутталлаах учаастактарыгар сөҥүү түһүүтүн элбэппитэ. Итинник авиационнай үлэлэр тэриллибит сирдэригэр, Саха сирин киин, соҕуруулуу-арҕаа, соҕуруулуу-илин өттүгэр, ойуур баһаардара тахсыбатахтара. Ол курдук, ыам ыйыгар уонна бэс ыйыгар сири искусственнайдык нүөлсүтэн, бааһыналарга от үчүгэйдик үүммүтэ», – диэн бастакы вице-премьер Дмитрий Садовников бэлиэтээтэ.
«Полярные авиалинии» хампаанньа баазатыгар бэйэбит зондировщик сөмөлүөппүтүн оҥорорго үлэ салгыы барар. Быйыл кулун тутарга сүрүн үлэтэ бүтэн, салгын суудунатын Иваново куоракка авиаөрөмүөннүүр собуокка илдьэн, установкаларын олордуохтара уонна тургутууну ыытыахтара диэн хампаанньаҕа иһитиннэрдилэр.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…