Мария Васильева хаартыската, СИА.
Ил Түмэҥҥэ кулун тутар 19 күнүгэр Саха сирин Арктика зонатыгар социальнай суолталаах эбийиэктэри уонна кэтэх дьиэлэри тутууларын боппуруоһугар буолбут «төгүрүк остуолга» норуот дьокутааттара өрөспүүбүлүкэҕэ Арктика ипотекатын үлэлэтэргэ этии киллэрдилэр. Бу туһунан Ил Түмэн пресс-сулууспата суруйар.
Чуолаан, Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтин бэрэссэдээтэлэ Алена Атласова «Алмазэргиэнбаан» баан баазатыгар Уһук Илиҥҥи ипотека иһинэн Саха сиригэр Арктика ипотекатын үлэлэтэр кыаҕын көрөргө этии киллэрдэ.
Санаттахха, 2023 сыл атырдьах ыйыгар дойду Бэрэсидьиэнэ Владимир Путин Уһук Илиҥҥи ипотеканан Арассыыйа Арктика зонатыгар олорор дьиэни атыылаһар эдэр ыалларга чэпчэтиилээх бырагырааманы олоххо киллэрэргэ сорудахтаабыта. Ол эрээри, Саха сирэ бу федеральнай бырагыраамаҕа киирбэтэҕэ бэлиэтэннэ.
Арктика ипотеката Уһук Илиҥҥи чэпчэтиилээх ипотека хос бырагыраамата буолар. Бу бырайыагынан Арктика зонатыгар олорор гражданнар сылга 2 %-тан тахса ыстаапкалаах уонна 20 %-наах бастакы усунуостаах кирэдьиитинэн олорор дьиэ атыылаһыахтарын уонна туттуохтарын сөп.
Билигин Арктика ипотеката дойду үрдүнэн Уһук Илиҥҥи федеральнай уокурук састаабыгар киирэр үс эрэгийиэнигэр үлэлиир, ол иһигэр Мурманскай уобаласка, Ненецкай уонна Ямало-Ненецкэй аптаныамыйалаах уокуруктарга, ону тэҥэ Архангельскай уобаласка, Карелияҕа, Комига уонна Красноярскай кыраайга. Чэпчэтиилээх ипотека бырагырааманан эдэр ыаллар (35-тэр диэри саастаахтар), 19-тар диэри саастаах оҕолоох дьиэ кэргэттэр, «Уһук Илиҥҥи гектар» уонна «үлэ бырагыраама кыттыылаахтара, биэс сылтан итэҕэһэ суох үлэлээбит судаарыстыбаннай уонна муниципальнай мэдииссинэ уонна үөрэх тэрилтэлэрин үлэһиттэрэ, ДНӨ, ЛНӨ уонна Украина территорияларыттан көһөн кэлбиттэр туһаныахтарын сөп.
Арктика ипотекатынан бу кэмҥэ куоракка саҥа кыбартыыраны, оттон тыа сиригэр иккис ырыынакка олорор дьиэни атыылаһаллар. Маны таһынан чэпчэтиилээх кирэдьиитинэн кэтэх дьиэ туттарга эмиэ туһаналлар. Сүрүн услуобуйата — Арктика ипотекатын кирэдьиитин туһанарга Арктика зонатын территориятыгар олорор регистрация баар буолара ирдэммэт. Ол эрээри, саҥа атыылаһыллыбыт эбэтэр тутуллан үлэҕэ киллэриллибит олорор дьиэҕэ 270 хонук устата булгуччу регистрацияланар ирдэнэр.
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…