Хаартыска: pxhere.com
Ил Түмэҥҥэ элбэх кыбартыыралаах дьиэлэргэ уонна онно сыста турар дьон аhыыр тэрилтэлэрин эбийиэктэригэр арыгыны бородууксуйатын атыылыырга бобууну киллэрэр туһунан сокуон барыла киирдэ.
Сокуон ааптардара Саха сиригэр арыгылааһыны утары сокуонугар уларытыылары киллэриини туруорсаллар. Арыгылааһыны утары сокуон ылылыннаҕына, сорох кафеларга итирдэр утахтар сарсыарда 10:00 чаастан киэһэ 22:00 чааска эрэ диэри атыыланар буолуохтара.
Ол курдук, элбэх кыбартыыралаах дьиэлэргэ уонна онно сыста турар дьон аhыыр тэрилтэлэрин эбийиэктэригэр (рестораннартан ураты) арыгы бородууксуйатын атыылааһыны киэһэ 22:00-тан сарсыарда 10:00 чааска диэри боборго сокуон барыла оҥоһулунна.
Билиҥҥи кэмҥэ дойду үгүс субъектарынан дьону-сэргэни аhатар оҥонү оҥоруунан сирэйдэнэн күнүстэри-түүннэри арыгы бородууксуйатын бытархай атыыта, киэhээ уонна түүҥҥү өттүгэр, ол иhигэр элбэх кыбартыыралаах дьиэлэр тиэргэннэригэр уопсастыбаннай бэрээдэк кэhиллиитигэр тиэрдии боппуруоһа сытыырхайан турара бэлиэтэнэр. Холобур, СӨ ИДьМ көрдөрүүлэринэн, 2023 сыл түмүгүнэн уопсастыбаннай сиргэ уонна уулуссаҕа арыгыны иhэн баран сокуону кэhии 947 түбэлтэтэ регистрацияламмыт. Оттон уопсастыбаннай сиргэ арыгы бородууксуйатын иhииттэн 2156 административнай боротокуол оҥоһуллубут уонна уопсастыбаннай сиргэ итирик сылдьыы 9802 түбэлтэтэ бэлиэтэммит.
Сокуон барыла арыгы бородууксуйатын атыытын хааччахтааhын гражданнар көмүскэллээх, эрэллээх буолууга, конституционнай бырааптарын хааччыйарга, итиэннэ дьону-сэргэни аhатар өҥө оҥоһулларыгар арыгы бородууксуйатын бытархай атыыта оҥоһуллуон сөптөөх элбэх кыбартыыралаах дьиэлэргэ уонна онно сыста турар дьон аһыыр тэрилтэлэрин эбийиэктэрин араас көрүҥнэрин хааччахтыырга көмөлөһүөҕэ.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…