Сайаана Львова хаартыската
Саха Өрөспүүбүлүкэтин Ил Түмэнин онус ыҥырыылаах пленарнай мунньаҕар иккис уонна бүтэһиктээх ааҕыыга өрөспүүбүлүкэҕэ арыгыны атыылааһыныгар эбии хааччахтары киллэриигэ сокуон барыла ылылынна.
Өрөспүүбүлүкэтээҕи сокуон барыла уопсастыбаннай ас-үөл атыылыыр эбийиэктэринэн, ол иһигэр элбэх кыбартыыралаах дьиэлэринэн уонна ыаллыы сытар территорияларынан арыгы бородууксуйатын атыылааһыны сокуонунан бэрээдэктииргэ ананар.
Билигин дойду үрдүнэн уопсастыбаннай ас-үөл эбийиэктэрин бары көрүҥнэринэн, ол иһигэр түүҥҥү кэмҥэ «сымыйа кафелар», «наливайкалар» диэн норуокка ааттанар тэрилтэлэринэн түүннэри-күнүстэри хааччаҕа суох пиибэни уонна атын арыгы бородууксуйатын атыытын кытта сибээстээх кыһалҕа билигин нэһилиэнньэни олус долгутар. Маннык тэрилтэлэр үксүгэр элбэх кыбартыыралаах дьиэлэринэн эбэтэр кинилэртэн быһаччы чугас арыллан үлэлииллэр. Ол курдук, быһаччы гражданнар бырааптара кэһиллэллэр, ону таһынан арыгы иһии түмүгүнэн бэрээдэги кэһиигэ төрүөттэр үөскүүллэр.
Итинэн сибээстээн саҥа ылыллыбыт сокуон барылынан элбэх кыбартыыралаах дьиэлэринэн уонна ыаллыы сытар территорияларынан арыгыны атыылааһыҥҥа сөптөөх лицензиялаах уопсастыбаннай ас-үөл атыылыыр, эргинэр эбийиэктэринэн ГОСТ 30389-2013 ирдэбилгэ сөп түбэһиннэрэн арыгы бары бородууксуйатын атыыта күнүс 12.00 чаастан түүн 23.00 чааска диэри хааччахтанар.
Федеральнай сокуон ирдэбиллэринэн арыгы атыытыгар хааччахтар рестораннары таарыйбат. Ону таһынан Саҥа дьыл бырааһынньыгын күннэригэр тохсунньу 31 күнүттэн киэһэ 20 чаастан тохсунньу 4 күнүгэр сарсыарда 4.00 чааска диэри бу хааччахтар үлэлээбэт буолаллар.
Дьүүллэһии түмүгүнэн иккис уонна бүтэһиктээх ааҕыыга сокуон барыла ылылынна. Саҥа сокуон 2025 сыл кулун тутар 1 күнүттэн күүһүгэр киириэҕэ.
Ил Түмэн Бэрэссэдээтэлэ Алексей Еремеев бүгүн Нам сэлиэнньэтигэр оробуочай сырыынан тиийдэ. Үлэ сүрүн соруга –…
Мас-рестлиҥҥэ Арассыыйа сүүмэрдэммит хамаандатын састааба билиннэ. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.…
Норуодунай суруйааччы Баһылай Харысхал төрөөбүтэ 75 сылыгар анаммыт төгүрүк остуол Национальнай бибилэтиэкэ Устуоруйа саалатыгар буолла.…
Роспотребнадзор иһитиннэрэринэн, ааспыт нэдиэлэҕэ өрөспүүбүлүкэ үрдүнэн 10 659 киһи ыалдьыбыта бэлиэтэммит. Үһүс нэдиэлэтин ОРВИнан уонна гириибинэн…
ИДьМ Алдан оройуонунааҕы салаатын Госавтоинипсиэксийэ отделын үлэһиттэрэ урут сууттана сылдьыбыт 35 саастаах эр киһи сымыйа…
Арассыыйа бэрэсидьиэнэ Владимир Путин "Илиҥҥи экэнэмиичэскэй пуорум-2025" түмүгүнэн кэккэ сорудахтар испииһэктэрин бигэргэттэ. Испииһэккэ сэдэх металлары…