Хаартыска: Андрей Сорокин, ЯСИА
Бэс ыйын 26 күнүттэн 28 күнүгэр диэри Дьокуускайга Астана куорат култууратын күннэрэ ыытыллыахтара.
Бу тэрээһин чэрчитинэн култуура, успуорт, атыы-эргиэн эйгэлэригэр араас тэрээһиннэр уонна официальнай көрсүһүүлэр былааннаналлар. Бэс ыйын 27 күнүгэр Саха Өрөспүүбүлүкэтин бырабыыталыстыбатын уонна Астана куорат акиматын икки ардыларыгар өйдөһүү туһунан меморандумҥа илии баттааһын былааннанар.
ИТ-пааркаҕа «Астана – Саха сирэ» норуоттар икки ардыларынааҕы бизнес-пуорум чэрчитинэн «Сыыппараҕа киллэрии уонна креативнай индустриялар эйгэлэригэр бииргэ үлэлээһини сайыннарыы», «Туризм эйгэтигэр бииргэ үлэлээһини сайыннарыы» диэн дьыалабыай сиэссийэлэр ыытыллыахтара. Д.К. Сивцев – Суорун Омоллоон аатынан Опера уонна балет судаарыстыбаннай тыйаатырыгар Казахстан киин куоратын бастыҥ артыыстарын уонна айар кэлэктииптэрин кыттыылаах кэнсиэр буолуоҕа. Бэс ыйын 28 күнүгэр Казахстантан кэлбит ыалдьыттар Туймаада Ыһыаҕын тэрээһиннэригэр кыттыыны ылыахтара.
Дэлэгээссийэ састаабыгар официальнай сирэйдэр, култуурунай бырагыраама кыттыылаахтара, ону тэҥэ биисинэс, туризм, сыыппараҕа киллэрии уонна креативнай индустриялар, хомунаалынай хаһаайыстыба уонна энергетика эйгэлэрин бэрэстэбиитэллэрэ киирдилэр.
Дьокуускайга Астана култууратын күннэрэ 2024 сыл муус устар 16 күнүттэн ыам ыйын 2 күнүгэр диэри Казахстан Өрөспүүбүлүкэтигэр ыытыллыбыт Саха Өрөспүүбүлүкэтин күннэрин чэрчитинэн былааннаммыт харда тэрээһининэн буолар.
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…
Тимир көлө көннөрү айанныыр тэрил буолбатах, үлэни-хамнаһы түргэтэтэр, дьону-сэргэни сибээстиир сүрүн тэрил. Сайын, кыһын буоллун,…
Дьокуускай куоракка "Звёзднай" түөлбэҕэ 990 миэстэлээх оскуола тутулла турар. Тутуу үлэтэ былаан быһыытынан ыытыллар. Бүгүн…
Аныгы сайдыылаах үйэҕэ дьахталлар эр дьонтон хаалсыбакка, аар тайҕаларыгар бултуу бараллар, күһүн-саас кустууллар-хаастыыллар. Маннык сэдэх…
Ааспыт сууккаҕа Саха сиригэр сэттэ буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Уйбаан СИЛИГИ «Уйбаачааннар бултуйбуттар!» кэпсээнин…