сахагов
РФ Бэрэсидьиэнэ Владимир Путин көҕүлээбит “Көдьүүстээх тырааныспар ситимэ” нацбырайыак “Развитие опорной сети аэродромов” саҥа федеральнай бырайыагынан Саха сиригэр авиация инфраструктуратын саҥардаллар.
2030 сылга диэри Полярнай (2 түһүмэх), Ньурба аэропуортарын саҥардан оҥоруу түмүктэниэхтээх уонна Зырянка аэропуордун уу ылбат сиригэр тутуу.
Ону тэҥэ Өлүөхүмэ уонна Полярнай (1-кы түһүмэх) аэропуортарын саҥардыы салҕанар, итиэннэ Мииринэйгэ аэропуорт саҥа комплексын тутуу.
Маны сэргэ 2025 сылтан 2030 сылга диэри салгын тырааныспарын инфраструктуратын сайыннарыы пуондатын үбүнэн өрөспүүбүлүкэҕэ 16 аэропуорду хапытаалынай өрөмүөннээһин көрүллүбүтэ. Ол курдук, Ленскэйгэ, Уус Куйгаҕа, Муомаҕа, Хаандыгаҕа, Белай Гораҕа, Орто Халымаҕа, Маҕаҥҥа, Черскэйгэ, Сааскылаахха, Саккырыырга, Чокурдаахха, Баатаҕайга, Тиксиигэ, Бүлүүгэ.
“Аэропорты Севера” хапытаалынай өрөмүөнү ыытыыга хантараактары түһэристэ. Светосигнальнай тэрили Ленскэй, Уус Куйга, Хаандыга, Орто Халыма, Маҕан, Черскэй, Саккырыыр, Өлөөн, Белай Гора аэропуортарыгар туруораллар.
Нерюнгригэ авиация инфраструктуратын саҥардыыны олохтоохтор биһирээтилэр. 2023 с. Чульман бөһүөлэгэр Нерюнгри аэропуордун саҥа аэровокзальнай комплекса аһыллыбыта. Бу “Комплексный план модернизации и расширения магистральной инфраструктуры” диэн Арассыыйа Бэрэсидьиэнэ Владимир Путин көҕүлээбит нацбырайыагынан олоххо киирбитэ.
2025 сылга терминалга аныгылыы 150 кв. м. иэннээх 24 олордор миэстэлээх биисинэс-саала үлэтин саҕалаабыта.
“80-с сылларга тутуллубут эргэ аэровокзаллааҕар билигин олох атын хартыына. Саҥа терминал киэҥ-куоҥ, сырдык, аныгылыы, табыгастаах навигациялаах. Көтөргө олус үчүгэй буолла”, — диэн биир пассажир санаатын үллэһиннэ.
Санаттахха, 2019 сылтан 2024 сылга диэри “Развитие региональных аэропортов” федеральнай бырайыагынан Саха сиригэр аэропуорт 11 комплексын саҥардан, түмүктээтилэр: Дьокуускай, Черскэй, Эдьигээн, Хаандыга, Белай Гора, Үөһээ Бүлүү, Бүлүү, Депутатскай, Сангаар, Нерюнгри, Уус Ньара.
sakha.gov.ru
Сиһилии: https://www.sakha.gov.ru/news/15607
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…