Хаартыска sakha.gov.ru ылылынна
2022-2024 сылларга Саха сиригэр автокулуубунан сылдьан 71 тэрээһин ыытыллыбыт, 60 тыһ.кэриҥэ киһи хабыллыбыт. Бу туһунан култуура министиэристибэтиттэн иһитиннэрэллэр.
Автокулууп элбэх хайысханы толорор көһө сылдьар култуура киинин курдук. Манна сценалаах, мультимедийнай аппаратура баар, тэрээһини маннык автокулуубунан сылдьан тымныы да кэмҥэ оҥоруохха сөп диэн этэллэр.
Өрөспүүбүлүкэ улуустарыгар маннык автокулууптар көмөлөрүнэн Арассыыйа күнүн, Арассыыйа былааҕын күнүн, Оҕо көмүскэлин күнүн, Кыайыы күнүн, кэнсиэртиир бырагыраамалаах араас күрэстэри тэрийэллэр. Сайынын сайылыктарга ыанньыксыттарга, отчуттар биригээдэлэригэр тиийэ бараллар.
2022 сыллаахха Саха сирэ сүүмэрдиир куонкурус түмүгүнэн, автокулууптарга тиксиэхтээх эрэгийиэннэргэ аан бастаан киирбитэ. Ол түмүгэр, элбэх хайысханы толорор көһө сылдьан үлэлиир кыаҕы биэрэр култуура маннык кииннэрэ Амма, Үөһээ Бүлүү, Бүлүү, Уус Алдан улуустарыгар уонна Дьокуускайга бэриллибиттэрэ.
2024 сылга куонкурус түмүгүнэн автокулуубу ыларга үп-харчы Алдаҥҥа көрүллүбүтэ. 10,8 мөл.солк. суумалаах автокулууп атырдьах ыйыгар аҕалыллан, билигин Алдан улууһугар култуура үлэтигэр туһалыыр.
СӨ Ил Дарханын уонна Бырабыыталыстыбатын пресс-сулууспата
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…