Хаартыска: sakha.gov.ru
Тас дойдулар 21, федеральнай уокуруктар уонна Арассыыйа эрэгийиэннэрин 6 хамаандалара бэс ыйын 25 күнүттэн от ыйын 7 күнүгэр диэри «Азия оҕолоро» норуоттар икки ардыларынааҕы успуорт оонньууларыгар кыттыахтара.
Өссө 5 дойду сайаапканы биэрэргэ болдьоҕун уһатарга көрдөстүлэр. Арассыыйа араас эрэгийиэннэриттэн уонна тас дойдулартан хамаандалартан сайаапкалары хомуйуу боппуруостарын Ил Дархан Айсен Николаев уонна «Азия оҕолоро» норуоттар икки ардыларынааҕы комитиэт Бэрэсидьиэнэ Владимир Максимов көрсүһүүлэригэр дьүүллэстилэр.
Владимир Максимов сайаапка хампаанньатын түмүгүнэн Азия континенын бары географическай сирдэриттэн биэрии үчүгэй көрдөрүүлээҕин бэлиэтээтэ. Кини этэринэн, оонньуу чэрчитинэн күрэхтэһии успуорт хас биирдии көрүҥэр интэриэһинэй куонкурус ыытыллыаҕа.
Айсен Николаев бэлиэтээбитинэн, тэрийэр кэмитиэт былааннаах үлэтэ ыытыллар, ол иһигэр эбийиэктэри бэлэмнээһиҥҥэ, логистикаҕа уонна ыалдьыттары түһэрэр сирдэрин бэлэмнээһиҥҥэ, култуурунай бырагырааманы тэрийиигэ. Муус устар 1 күнүттэн бары успуорт дэлэгээссийэлэрэ аһыахтаах аккредитация үлэтэ саҕаланна.
Ону сэргэ көрсүһүүгэ билигин Саха сирин улуустарыгар ыытыллар «Азия оҕолоро» оонньуу эстэпиэтиэтин ыытыы боппуруостарын дьүүллэстилэр. Оонньуу уотун уматыы сиэрэ-туома кулун тутар 19 күнүгэр Хаҥалас улууһугар «Өлүөнэ очуостара» национальнай пааркатыгар 100 хонук иннинэ улахан саҕаламмыта. Эстэпиэтэ тэрээһиннэрэ кулун тутар 20 күнүгэр Покровскайтан саҕалаан Хаҥалас, Горнай, Бүлүү, Үөһээ Бүлүү, Ньурба, Сунтаар, Мииринэй, Ленскэй, Анаабыр улуустарыгар буолан ааста. Бүгүн, муус устар 5 күнүгэр, эстэпиэтэни Өлөөн улууһа тутта. Түмүгэр уоту уматыы бэс ыйын 26 күнүгэр «Туймаада» успуорт уораҕайыгар оонньуулары үөрүүлээхтик аһыы сиэригэр-туомугар буолуоҕа.
Саха сирин Бастакы Бэрэсидьиэнэ Михаил Николаев тэрийбит «Азия оҕолоро» норуоттар икки ардыларынааҕы успуорт оонньуулара 1996 сылтан ыытыллар. 2022 сыллаахха Владивосток куоракка 1300- тэн тахса эдэр спортсмены түмпүт VII «Азия оҕолоро» оонньуулара ыытыллыбыта. Быйыл Азия дойдуларыттан уонна Арассыыйа араас эрэгийиннэриттэн 3000- тэн тахса кыттааччы 239 кэмпилиэккэ 24 успуорт көрүҥнэригэр күрэс былдьаһыахтара.
СӨ Ил Дарханын уонна Бырабыыталыстыбатын пресс-сулууспата
Хаартыска: Андрей Сорокин, СИА
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…