Саха сиригэр баһаар барыта умуруорулунна

Өрөспүүбүлүкэ сиригэр-уотугар  ааспыт сууккаҕа 2 баһаар: Дьааҥы улууһугар 1 ойуур баһаара уонна Абый улууһугар 1 ландшафтнай баһаар умуруорулунна.

Ол туһунан ыам ыйын 16 күнгэр Суһал ыстаабын пресс-сулууспата иһитиннэрдэ.

Баһаар турар  кутталлаах кэмэ саҕаланыаҕыттан 240 ойуур баһаара: 24 тыһыынча га уопсай иэннээх 76 ойуур баһаара уонна 5,4 га иэннээх 164 ландшафтнай бэлиэтэммитэ.

237 баһаары уоту утары охсуһааччылар умуруордулар, 3 баһаарга ардах көмөлөстө.

Дьааҥы, Уус Алдан улуустарыгар уонна Дьокуускай куоракка баһаары утары охсуһуу ураты эрэһиимэ,  Дьааҥы улууһун ойуурдарыгар ыксаллаах быһыы-майгы эрэһиимэ олохтоммута.

Саха сирин Ил Дарханын уонна бырабыыталыстыбатын  пресс-сулууспата