Саха сиригэр баһаартан сэрэхтээх буолуу сезона саҕаламмытынан биллэрилиннэ

Саха сиригэр СӨ Бырабыыталыстыбатын уурааҕынан 2025 сылга баһаартан сэрэхтээх буолуу сезона саҕаламмытынан биллэрилиннэ.

Докумуону СӨ Бырабыыталыстыбатын Бэрэссэдээтэлин бастакы солбуйааччыта Дмитрий Садовников илии баттаата. Быһаарыы тыаҕа хаар ууллубутунан сибээстээн, айылҕа килиимэтин уратытын учуоттаан ылылынна.

Олохтоох салайыныы уорганнарыгар ойуур уонна да атын ландшафтнай (айылҕа) баһаардары сэрэтиигэ уонна ыксаллаах быһыыны-майгыны туоратыыга бары туһуламмыт тэрээһиннэр комплекстарын толорууну хааччыйалларыгар сүбэлээтилэр.