Саха сиригэр баһаартан сэрэтэр тэриллэри туруорар аахсыйа салҕанар

Саха сиригэр баһаартан сэрэтэр тэриллэри туруорар аахсыйа салҕанар

21.06.2024, 20:30
Бөлөххө киир:

Бу дьыл кулун тутар ыйыттан саҕаламмыт баһаартан сэрэтэр тэриллэри (АДПИ) туруорар аахсыйаҕа 1,3 тыһыынчаттан тахса киһи кытынна, 3877 дьиэ кэргэн хабылынна, 4160 баһаары сэрэтэр тэрил туруорулунна диэн суруйар СӨ Ил Дарханын уонна Бырабыыталыстыбатын пресс-сулууспата.

“Аахсыйа ис хоһооно маннык, кыттааччы баһаартан сэрэтэр тэрили атыылаһар уонна бэйэтин чугас дьонун, доҕотторун, элбэх оҕолоох ыаллар дьиэлэригэр туруорар, ол кэннэ кимиэхэ эрэ бэйэтэ эстафетаны биэрэр”, — диэн СӨ Нэһилиэнньэ олоҕор куттал суох буолуутун хааччыйар уонна гражданскай оборуона дьыалаларыгар министиэристибэҕэ кэпсээтилэр.

Хаартысканы эбэтэр видеоны кыттааччы в ВКонтакте бэйэтин страницатыгар @mingoobzhn_yakutia и хэштега #предупредипожарустановиАДПИ» министиэристибэ уопсастыбата бэлиэлээх туруорар. Баһаартан сэрэтэр тэрил саамай сүрүн үтүөтэ – баһаары саҥа саҕаланан эрдэҕинэ биллэрэ охсоро буолар. Кини кыра да буруоҕа, итийиигэ реакция биэрэр, онон куотан тахсарга эбэтэр умуруорга кыах биэрэр.

АДПИ өссө биир үчүгэйэ – кини батареянан эбэтэр аккумуляторынан барар. Онон уот суоҕар да үлэлиир. Ким баҕарар бэйэтигэр туруорунуон сөп, онно анал киһи наадата суох уонна сыаната да чэпчэки.

Ханна туруорар ордугуй?

  • -Утуйар хоско, утуйа сытан буруоҕа тумнастыбат курдук.
  • -Аан хоско уонна көрүдүөргэ. Оччоҕо хайа хоско баһаар буолбутуттан тутулуга суох тута биллэр.
  • -Куукуна уонна куукуна таһа. Баһаар ордук манна буолар, онон АДПИ хайаан да бу зонаҕа баара ордук.
  • — Бадыбааллар уонна гараастар. Манна түргэнник умайымтыа матырыйааллар ууруллаллар, онон эмиэ сэрэхтээх сирдэр.
+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: