Саха сиригэр баһаары бохсууга 400-тэн тахса байыас үлэлиир
![](https://sakha-sire.ru/wp-content/uploads/2023/06/vms_0055-kopiya-900x596.jpg)
Ааспыт сууккаҕа Саха сиригэр 1 782,2 гектар уонна 1 ландшафтнай 50 гектар иэннээх сиргэ барыта 9 ойуур баһаара умуруорулунна. Бу туһунан Саха сиринээҕи суһал ыстааба иһитиннэрэр.
Итини кытта 3 228,8 гектар иэннээх сиргэ 15 ойуур баһаара тахсыбыта бэлиэтэннэ. Бу сарсыарда бэс ыйын 4 күнүнээҕи дааннайынан, өрөспүүбүлүкэҕэ барыта 37 420,6 га иэннээх сиргэ 29 ойуур баһаара турбута биллэр:
Нерюнгри оройуона – 6;
Алдан оройуона – 5;
Өлүөхүмэ оройуона – 4;
Томпо оройуона – 3;
Үөһээ Дьааҥы, Нам, Усуйаана, Хаҥалас оройуоннара – иккилии;
Амма, Уус Маайа, Эбээн Бытантай оройуоннара – биирдии.
Билиҥҥи туругунан бу ойуур баһаардарыттан 35,5 га иэннээх сиргэ 3 уот турбутун суһаллык умуруордулар. Баһаары умуруорууга барыта 421 киһи, 26 тиэхиньикэ үлэлиир, ону кытта 16 салгын суудуналата уонна 7 бөртөлүөт.
Саха Өрөспүүбүлүкэтин Бырабыыталыстыбатын уурааҕынан баһаарынай сезон бу сыл ыам ыйын 6 күнүттэн аһыллыбыта.
Санаттахха, бэс ыйын 4 күнүттэн от ыйын 1 күнүгэр диэри Дьокуускай куорат уокуругун сиригэр ураты баһаарынай эрэсиимэ биллэрилиннэ.
Сообщить об опечатке
Текст, который будет отправлен нашим редакторам: