Хаартыска: Ил Дархан пресс-сулууспата
2021 сылтан Саха сиригэр “Баһаары сэрэт – АДПИ киллэр!” диэн социальнай аахсыйа ыытыллар. Аахсыйа чэрчитинэн АДПИ-нан (баһаар буруотун иһитиннэрээччи), бастатан туран, элбэх оҕолоох дьиэ кэргэттэри, кырдьаҕас дьону уонна нэһилиэнньэ кэккэ социальнай араҥатын хааччыйаллар.
«Билигин 2326 ыал аахсыйаҕа хабыллан, барыта 2 405 баһаары иһитиннэрээччи олохтонно. Аахсыйаҕа Саха сирин баһаары утары судаарыстыбаннай сулууспатын 924 үлэһитэ кытынна. Аахсыйаны атын тэрилтэлэр үлэһиттэрэ эмиэ, ол иһигэр олохтоох бэйэни салайыныы уорганнарын баһылыктара, өйөөтүлэр”, — диэн СӨ Гражданскай оборона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистир Дмитрий Лепчиков иһитиннэрдэ.
Маннык тэриллэр уот күөдьүйэн тахсарын эрдэ билэргэ көмөлөһөллөр. Тэрил буруо тахсарын билэр уонна улаханнык тыаһаан сэрэтэр. Онон, АДПИ баһаар буолаары гыммытын эрдэттэн сэрэтэн, кутталлаах сиртэн куотарга көмөлөһөр уонна иэдээнтэн быыһыыр.
Бу тэрили туһанарга уустуктар суохтар. Арай, сылга биирдэ батарыайкаларын уларытыахха уонна оптическай-электроннай датчиктаах камераны сотору-сотору пылесоһунан ыраастыахха наада.
Баһаары утары охсуһар сулууспа үлэһиттэрэ АДПИ-ны олорор дьиэҕэ киллэрии туһалааҕын туһунан сонуну киэҥник тарҕатар сириэстибэлэргэ, рейдэлэр кэмнэригэр, интэриниэт-сайтарынан, социальнай ситимнэринэн тиһигин быспакка иһитиннэрэллэр.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…