Хаартыска sakha.gov.ru ылылынна
Бүгүн Саха сиригэр байыаннай дьайыы 1565 кыттыылааҕар мэдиссиинэ көмөтүн оҥордулар, итинтэн 972 байыаннай сулууспалааҕы таһыттан, 245 байыаһы сытыаран эрэ эмтээтилэр.
Бу туһунан брифиҥҥэ бүгүн Саха сирин Доруобуйа харыстабылын министиэристибэтин Мэдиссиинэ көмөтүн тэрийиигэ департаменын кылаабынай исписэлииһэ Анастасия Эверстова иһитиннэрдэ. 380 киһи психотерапевт уонна психиатр көмөтүнэн туһанна.
Байыаннай дьайыы саҕаланыаҕыттан Саха сирин быраастара эйэлээх олохтоохторго мэдиссиинэҕэ көмөлөһө саҥа сирдэргэ-уоттарга бараллар. Бу үлэ Саха сирин Ил Дарханын Айсен Николаев сорудаҕынан ыытыллар.
“Өрөспүүбүлүкэ бииргэ үлэлэһэр Донецкай Норуодунай Өрөспүүбүлүкэ Докучаевскай куоратыгар Саха сирин быраастарын биригээдэтэ үлэлиир. Биригээдэҕэ Дьокуускайдааҕы онкодиспансер анестезиолог-реаниматолог бырааһа, Мииринэй уонна Нам улуустарын киин балыыһаларын травматолог-быраастара, 2 №-дээх өрөспүүбүлүкэтээҕи балыыһа – ЦЭМП хирург-бырааһа бааллар. Бөлөҕү тустаах министиэристибэ кылаабынай хирура салайар”, — диэтэ Анастасия Эверстова.
Саха сирин эмчиттэрэ Докучаевскайга эчэйиилээх пациеннары көрдүлэр, 284 пациентан 23-һэ байыаннай дьайыы кыттыылааҕа. Эмискэ ыалдьан киирбит дьоҥҥо сүбэлииллэр, хирургия отделениетыгар сытааччылары көрөллөр-истэллэр.
Балыыһа наадыйыытыгар олоҕуран бөлөх састааба уларыйан иһиэҕэ, терапевы уонна неврологы эбии ыытыахтара. Саха сирин быраастара куорат киин балыыһатын исписэлиистэригэр уопуттарын үллэстэллэр.
СӨ Ил Дарханын уонна Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…