Хаартыска: ЯСИА
Саха сиригэр байыаннай дьайыы 64 кыттыылааҕа уонна кинилэр дьиэ кэргэттэрин 165 чилиэнэ үлэҕэ ылылыннылар, ол иһигэр сайыҥҥы кэмҥэ байыаннай сулууспалаахтар уонна байыананй дьайыы бэтэрээннэрин 110 оҕото үлэлээтэ.
Бу туһунан өрөспүүбүлүкэ Нэһилиэнньэ дьарыктаах буолууга киинин дириэктэрин солбуйааччы Игорь Соловьев иһитиннэрдэ.
“Идэҕэ уонна эбии үөрэтиигэ байыаннай дьайыы 26 кыттыылааҕа уонна кинилэр дьиэ кэргэттэрин 7 чилиэнэ хайа оробуочайын, компрессорнай установкалар машинистарын, харабыл идэтигэр үөрэннилэр. Үлэлиэхтээх эйгэлэрин талар туһуттан 62 байыаһы уонна кинилэр дьиэ кэргэттэрин 51 чилиэнин кытта идэҕэ туһаайыыга кэпсэттилэр. Урбаан үлэтин саҕалыырга 8 бэтэрээҥҥэ уонна кинилэр дьиэ кэргэттэрин 11 чилиэнигэр көмөлөстүлэр”, — диэтэ Игорь Соловьев.
Маны сэргэ бу киин үлэни биэрээччилэри кытта үлэлэһэр. Балаҕан ыйын 25 күнүгэр байыаннай дьайыы кыттыылаахтарыгар “В кругу СВОих” аахсыйа былааннаммыт.
“О квотировании рабочих мест для трудоустройства граждан, испытывающих трудности в поиске работы, в Республике Саха (Якутия)” сокуоҥҥа олоҕуран, үлэни биэрээччилэргэ байыаннай дьайыы кыттыылаахтарын, байыаннай сулууспаттан уурайбыт, инбэлииттээх дьоҥҥо үлэ миэстэтин биэриигэ уонна тэрийиигэ ороскуоттарын толуйалларыгар субсидия көрүллэр. Субсидия кээмэйэ хамнас алын кээмэйигэр тэҥнэһэр. Субсидия байыаннай дьайыы кыттыылааҕын үлэтин үс ыйыгар ыйыллыбыт ороскуотунан ааҕыллар.
Игорь Соловьев иһитиннэрбитинэн, балаҕан ыйын 22 күнүттэн алтынньы 24 күнүгэр диэри бу субсидияны ылыыга эбии сүүмэрдииллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/12278
XXV кыһыҥҥы Олимпийскай оонньуулар аһыллыахтарыгар диэри нэдиэлэ хаалла. Оонньуулар олунньу 6 күнүттэн 22 күнүгэр диэри…
Бүгүн, тохсунньу 30 күнүгэр, Дьокуускай куоракка уонна үс улууска быстах кэмҥэ өрөмүөн үлэтэ буоларынан сибээстээн,…
Cулустар тугу сипсийэллэр? Хой Бу нэдиэлэҕэ бэйэҥ сөбүлүүр дьарыккынан үлүһүйүөҥ. Саҥа дьарык бары бириэмэҕин ылыаҕа,…
Синоптиктар сабаҕалыылларынан, бүгүн, тохсунньу 30 күнүгэр, Саха сирин үгүс өттүгэр үксүн сөҥүүтэ суох. Тыала мөлтөх,…
Дьокуускайга 1 №-дээх полиция отделын дьуһуурунай чааһыгар балыыһаттан кырбаммыт дьахтар туһунан иһитиннэрии киирбит. Холуобунай ирдэбил…
Горнай улууһугар Атамай оскуолатыгар оҕо хаһыатыгар "Кэскилгэ" кылааһынан анал сурутуу аахсыйата ыытыллыбыта. Онно оҕолор көхтөөхтүк…