Саха сиригэр байыаннай дьайыы 399 кыттыылааҕа реабилитацияны ааста

Өрөспүүбүлүкэҕэ байыаннай дьайыы 399 кыттыылааҕа мэдиссиинэ реабилитациятын ааста. Бу туһунан сэтинньи 1 күнүгэр ыытыллыбыт брифиҥҥэ СӨ Доруобуйаҕа харыстабылын министиэристибэтин Нэһилиэнньэҕэ  көмөнү тэрийэр департаменын салайааччыта Дьулустаан Чичахов иһитиннэрдэ.

«Саха сиригэр уопсайа байыаннай дьайыы 4117 кыттааччытыгар көмө оҥоһулунна, онтон 2905 байыаннай сулууспалаахха амбулаторнайдык, 1 195-кэ – стационарнайдык. Психотерапевтическай уонна психиатрическай көмөбайыаннай дьайыы 829 кыттааччытыгар оҥоһулунна. Бойобуой дьайыы 732 бэтэрээнэ диспансеризацияны ааста», — диэтэ Дьулустаан Чичахов.

Кини дааннайынан, Аҕа дойду буойуннарын дьиэ кэргэттэрин кэмитиэтин Байыаннай дьайыы кыттааччыларын уонна кинилэр дьиэ кэргэттэрин медико-психологическайдык өйүүр «КСВО. Психологу кытта кэпсэтии» диэн Биир кэлим федеральнай чаатын психологтара дойду араас эрэгийиэнин 845 киһиэхэ консультациялары ыыппыттар.

Нэһилиэнньэҕэ көмөнү тэрийэр департаменын салайааччытын иһитиннэриитинэн, Донецкай Норуодунай Өрөспүүбүлүкэтин Докучаевскай куоратыгар саха миэдиктэрин үлэтэ салҕанар. Быраастар куораттааҕы балыыһаҕа үлэлээбит кэмнэригэр уопсайа 1281 эпэрээссийэ оҥоһулунна. Билиҥҥи туругунан, Докучаевскайга быраас-хирург уонна быраас-анестезиолог-реаниматолог бааллар. Ону таһынан офтальмолог-быраастар биригээдэлэрэ кэлиэхтээх.