Саха сиригэр байыаннай дьайыы 691 кыттыылааҕа доруобуйатын чөлүгэр түһэриннэ

Саха сирин баһылыгын Айсен Николаев сорудаҕынан Саха сиригэр байыаннай дьайыы кыттыылаахтарын уонна кинилэр дьиэ кэргэттэрин чөлүгэр түһэрии үлэтэ ыытыллар.

«Байыаннай дьайыы 691 кыттыылааҕа уонна байыаннай дьайыы кыттыылааҕын дьиэ кэргэнин 945 чилиэнэ доруобуйаларын чөлүгэр түһэрдилэр», — диэн брифинг кэмигэр СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.

Ол курдук, байыаннай дьайыы 97 кыттыылааҕын дьиэтигэр гаас киирэригэр материальнай көмө оҥоһуллубут, 280 төрөппүт санаторнай-курортнай эмтэниини ааспыт.

Итиэннэ 133 байыас уонна 224 кинилэр дьиэ кэргэттэрин чилиэннэрэ үлэ булунарга дьарыктаах буолуу кииниттэн көмө көрдөөбүттэр. Онтон 95 киһини анал үөрэҕи ааһарга ыытыллыбыт, 183 киһи үлэҕэ киирбит.