Саха сиригэр байыаннай дьайыы бэтэрээнэ – оройуон сэбиэтин дьокутаата

Амма улууһун Алтан сэлиэнньэтиттэн байыаннай дьайыы кыттыылааҕа Руслан Ильин оройуон сэбиэтин дьокутаатынан буолар. Кини – улуус көхтөөх уопсастыбаннай диэйэтэлэ. Бу туһунан “Амма олоҕо” хаһыат иһитиннэрэр.

Руслан Егорович – элбэх оҕолоох аҕа. Ильиннэр нэһилиэк уонна улуус олоҕор көхтөөхтүк кытталлар: кэргэнэ Ирина Андреевна “Чараҥ” ТОС уонна “Чэбдик” инбэлииттэр уопсастыбаларын салайар.

Руслан Ильин 2023 с. демобилизацияланан кэлэн баран, Амма улууһун дьарыктаах буолуу киинигэр тиийбитэ. Бу киин көмөтүнэн “СӨ ОДьКХ” ГУП филиалыгар Алтан нэһилиэгэр ититэр ситими хааччыйар силиэсэринэн үлэҕэ киирбитэ.

“Аҕа дойдуну көмүскээччилэр” пуонда Руслан Егорович холобура нэһилиэнньэ дьарыктаах буолуутун кииннэрин өттүттэн байыаннай дьайыы бэтэрээннэригэр өйөбүл баарын бигэргэтэрин туһунан этэр.

Санаттахха, Саха сирин баһылыга Айсен Николаев Судаарыстыбаннай Мунньахха (Ил Түмэҥҥэ) Анал этиитигэр байыаннай дьайыы кыттыылаахтарын социальнай өттүнэн үөрүйэхтэнэллэригэр көмөлөһөр соругу туруорбута.

Саха сирэ Арассыыйа Федерациятыгар байыаннай дьайыы кыттыылаахтарыгар үлэ миэстэтин кубуоталыыр субъектарыттан биирдэстэринэн буолар.

sakha.gov.ru

Хаартыска: “Амма олоҕо” хаһыат

Сиһилии: https://www.sakha.gov.ru/news/15604