СИА хаартыската
Саха сиригэр мэдиссиинэ көмөтүн 2593 байыаска оҥордулар. Бу туһунан брифиҥҥэ Доруобуйа харыстабылын министиэристибэтин кылаабынай терапева Айталина Торонова эттэ.
Кини этэринэн, 1901 байыаннай сулууспалаахха амбулаторияҕа, 692 – стационарга көмөлөстүлэр. Чөлүгэр түһэриини 284 киһи ааста. Психотерапевт уонна психиатр 594 киһини көрдүлэр.
Бу сыл муус устар ыйыттан Саха сиригэр байыаннай дьайыыга кыттыбыт дьоҥҥо диспансеризация ыытыллар. Айталина Торонова этэринэн, бу үлэнэн 768 киһи хабылынна. Мэдиссиинэ тэрилтэлэрэ хас субуота ахсын көрөллөр. Онон биир күн устата бары ирдэнэр чинчийиилэри ааһар уонна сүбэ-ама ылар кыахтаахтар. Байыаннай дьайыы саҕаланыаҕыттан Саха сирин быраастара саҥа сирдэргэ-уоттарга бараллар. Бу үлэ Саха сирин Ил Дарханын Айсен Николаев сорудаҕынан ыытыллар.
Кулун тутар 2 күнүттэн Донецкай Норуодунай Өрөспүүбүлүкэҕэ Докучаевскай куоракка Саха сирин быраастарын биригээдэтэ солбуйса сылдьан тиийэр. Билигин итиннэ хирург, трвматолог, реаниматолог үлэлииллэр. Быйыл муус устарга, от ыйыгар уонна алтынньыга Саха сиринээҕи өрөспүүбүлүкэтээҕи офтальмологическай клиническэй балыыһа быраастара Кировскайга уонна Докучаевскайга бара сырыттылар.
Саха сирин быраастара нэһилиэнньэҕэ быһаччы көмөлөһөллөрүн тэҥэ куорат киин балыыһатын исписэлиистэрин кытта уопуттарын атастаһаллар.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…