Саха сиригэр байыаннай дьайыы кыттыылаахтарыгар көмө үлэтэ салҕанар

Саха сиригэр байыаннай дьайыы 28 кыттыылааҕын дьиэ кэргэттэрэ гааска босхо холбонорго материальнай көмөнү ылбыттар. Ону тэҥэ, 45 байыас төрөппүттэрэ санаторнай-курортнай эмтээниини ааспыттар. Ол туһунан брифиҥҥэ муус устар 24 күнүгэр СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ. 

«Байыаннай дьайыы 85 кыттыылааҕын дьиэ кэргэттэригэр байыас эмтэнэ сылдьар сиригэр диэри айанныыларыгар материальнай көмө биэриллинэ. Барыта 175 байыаннай уонна 188 кинилэр дьиэ кэргэттэрэ өрөспүүбүлүкэ мэдиссиинискэй уонна социальнай тэрилтэлэригэр эмтэниини аастылар», — диэн Георгий Степанов бэлиэтээтэ.

Ону таһынан, Ил Дархан Айсен Николаев дьаһылынан байыаннай дьайыы кыттыылаахтарын уонна кинилэр дьиэ кэргэттэрин үлэ миэстэтинэн хааччыйыы салҕанар. СӨ нэһилиэнньэ дьарыктаах буолуутун кииннэригэр 87 киһи үлэ ыйыталаспыт — 26 байыас уонна 61 кинилэр дьиэ кэргэттэрэ.

Бүгүҥҥү туругунан, барыта 19 киһи үлэ булбут, 14 киһи профессиональнай үөрэххэ ыытыллыбыт. Маны тэҥэ, 230 дьоҕус уонна орто урбаан бэрэстэбиитэллэрэ үлэлэрин салгыылларыгар туспа быһаарыылар оҥоһулуннулар.

СӨ Ил Дарханын уонна Бырабыыталыстыбатын пресс-сулууспата