Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр көмөнү оҥоруу салҕанар.
СӨ Бырабыыталыстыбатын бэрэссэдээтэлин солбуйааччы Георгий Степанов Ил Дархан Айсен Николаев «О мерах поддержки участников специальной военной операции и членов их семей в период проведения специальной военной операции» Ыйааҕын олоххо киллэрэр сыалтан, СӨ Бырабыыталыстыбата байыаннай дьайыы кыттыылаахтарыгар уонна кинилэр дьиэ кэргэттэригэр олорор дьиэ төлөбүрүгэр уонна хапытаалынай өрөмүөнүгэр 50%-наах ороскуотун толуйуутун көрүллэр бэрээдэгэ бигэргэммитин туһунан бэлиэтээтэ.
«Бу көмөнү тохсунньу 1 күнүттэн сайаапкаларынан көрөллөр. Бигэргэммит бэрээдэгинэн байыаннай дьайыы кыттыылааҕар уонна кинилэр дьиэ кэргэттэригэр байыас пропискаламмыт биир дьиэтигэр көмө ананар», – диэтэ Георгий Степанов. Көмө туһунан сиһилии Элбэх өҥөнү оҥорор Киин уонна Субсидия ааҕыныстыбатын офистарыттан билсиэххэ сөп.
Билигин Саха сиригэр 97 дьиэ кэргэттэргэ олорор дьиэ гаастааһыныгар көмө оҥоһулунна, ону таһынан 287 байыас төрөппүтэ санаторнай-курортнай эмтэниигэ сырытта, 261 киһи байыас эмтэнэ барар сиригэр айан ороскуотугар көмө ылла.
696 анал байыаннай дьайыы кыттыылаахттара уонна 968 дьиэ кэргэттэрин чилиэннэрэ доруобуйа харыстабылын уонна социальнай хааччыйыы тэрилтэлэригэр реабилитацияламмыттара.
СӨ Ил Дарханын уонна Бырабыыталыстыбатын пресс-сулууспата
Дьылбыт быйыл эрдэлээн иһэр буолан, сайылыктаахтар көһүүлэриттэн саҕалаан, тыа сиригэр үлэ тэтимэ биир кэм оргуйан…
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…