Саха сиригэр байыаннай дьайыы кыттыылаахтарын дьиэ кэргэттэрин 629 чилиэнэ социальнай чөлүгэр түһэриини ааста

Саха сирин Ил Дарханын Айсен Николаев Ыйааҕын толоруу чэрчитинэн, Оҕолору уона обургу оҕолору чөлүгэр түһэрэр өрөспүүбүлүкэтээҕи кииҥҥэ 2023 сыллаахха байыаннай дьайыы кыттыылаахтарын дьиэ кэргэттэрин чөлүгэр түһэрэр бырагыраама туһанылынна.

Билигин манна байыаннай дьайыыга кыттыбыттар дьиэ кэргэттэрин 629 чилиэнэ чөлүгэр түһүүнү ааста, ол иһигэр 365 оҕо уонна 264 улахан киһи. Бу туһунан брифиҥҥэ киин дириэктэрин солбуйааччы Анна Пудова иһитиннэрдэ.

“Бырагыраама 18 диэри саастаах оҕолорго уонна кинилэр сокуоннай бэрэстэбиитэллэригэр туһуланар. Полустационар эбэтэр стационар көрүҥүнэн 21 хонуктаах. Манна олорор сирдэринэн Нэһилиэнньэ социальнай көмүскэлин управлениета ыытар”, — диэтэ Анна Пудова.

Кини этэринэн, кииҥҥэ оҕолору быраастар көрөллөр, психолог уонна дефектолог көмөтүн ылаллар. Ону тэҥэ логопед, эмтиир физкултуура, илбийии, физиоэмтэнии, гидрованна курдук көрүҥнэр бааллар. Оҕолору кытта киирбит улахан дьоҥҥо трениннэр, маастар-кылаастар ыытыллаллар.

Саха Өрөспүүбүлүкэтин Ил Дарханын уонна  Бырабыыталыстыбатын пресс-сулууспата