Саха сиригэр байыаннай дьайыы кыттыылаахтарын төрөппүттэрэ санаторнай-курортнай эмтэниини ааһаллар

Саха сиригэр байыаннай дьайыы кыттылаахтарын төрөппүттэрэ санаторнай-курортнай эмтэниини ааһалларыгар үлэ салҕанан барар.  Бу туһунан бүгүн, кулун тутар 31 күнүгэр, Бырабыыталыстыба бэрэссэдээтэлин солбуйааччы Георгий Степанов иһитиннэрдэ.

«Өрөспүүбүлүкэҕэ байыаннай дьайыы кыттыылаахтарын төрөппүттэрин санаторнай-курортнай эмтэниини ааһалларыгар көмө оҥоһуллуута салҕанар. Маннык көмө миэрэтэ үс сылга биирдэ оҥоһуллар. Бүгүҥҥү күҥҥэ маннык көмөнөн 610 киһи туһанна», — диэн кини бэлиэтээтэ.

Маны сэргэ байыаннай дьайыы кыттыылаахтарын төрөппүттэригэр маннык эмтэниигэ харчынан төлөбүр көрүллэр. Байыаннай сулууспалаахтарга аадырыстаах көмө салҕанар. Бүгүҥҥү күҥҥэ 177 дьиэ кэргэҥҥэ чааһынай дьиэни гаастааһыҥҥа көмө оҥоһулунна. 460 киһи эмтэниини ааһыыга көмөнөн туһанна.

Байыаннай дьайыы 1129  кыттыылааҕа уонна 2017  кинилэр дьиэ кэргэттэрин чилиэннэрэ доруобуйаларын чөлүгэр түһэриини аастылар, 383  киһи социальнай өҥөнөн туһаммыттар.

Нэһилиэнньэ дьарыктаах боулуутун киинигэр 741 киһи турбут, 262 байыаннай сулууспалаах уонна 479 кинилэр дьиэ кэргэттэрэ үлэ көрдөөбүттэр.