Хаартыска: sakha.gov.ru ылылынна
Ил Түмэҥҥэ ыытыллыбыт төгүрүк остуол чэрчитинэн байыаннай дьайыы кыттыылаахтарын үлэҕэ ылыыга көмөлөһөргө биэдэмистибэлэр икки ардыларынааҕы бииргэ үлэлээһини күүһүрдэргэ этилиннэ.
Бу туһунан Аҕа дойду буойуннарын дьиэ кэргэттэрин кэмитиэтин бэрэссэдээтэлэ Альбина Винокурова иһитиннэрдэ.
Кини этэринэн, улахан болҕомто идэҕэ хаттаан бэлэмнээһиҥҥэ уонна бэйэ дьыалатын арыйыыга уурулунна. Бу миэрэлэр Владимир Путин сорудаҕар сөп түбэһэллэр.
Ону тэҥэ «Арассыыйа Федерациятыгар нэһилиэнньэ дьарыктаах буолуутун туһунан» саҥа федеральнай сокуон киирэринэн 2024 сыл тохсунньу 1 күнүттэн байыаннай дьайыы кыттыылаахтара уонна кинилэр дьиэ кэргэттэрэ үлэҕэ ылыллыыга ураты быраабынан туһаналлар.
Маны тэҥэ байыастарга уйулҕа өттүнэн хааччыллыы оҥоһуллуохтаах. Ордук инбэлииттээх дьоҥҥо болҕомто күүһүрүөхтээх.
«Биһиги психологическай өттүнэн өйөбүлгэ болҕомто уурабыт. Ыарахан эчэйиилээхтэр адаптацияны ааһалларыгар олус суолталаах«, — диэтэ Винокурова.
Мунньах түмүгүнэн резолюция ылылынна. Онно олоҕуран, аадырыстаах көмөнү күүһүрдүөхтэрэ, үлэни биэрээччилэри көҕүлүүр бырагыраама оҥоһулларын туһунан иһитиннэриэхтэрэ, байыастарга уонна кинилэр дьиэ кэргэттэригэр кулууптары арыйыахтара.
Альбина Винокурова байыаннай дьайыы кыттыылаахтарын уонна дьиэ кэргэттэрин өйүүргэ сөптөөх усулуобуйалары тэрийиигэ кыттыһан үлэлиэхтэрэ диэн эрэнэрин эттэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…