Мария Васильева хаартыската, СИА.
От ыйын 1 күнүттэн РФ Сэбилэниилээх күүстэрин кытта дуогабар түһэрсибит анал байыаннай дьайыы кыттыылаахтарыгар эрэгийиэннээҕи төлөбүр суумата 100 тыһ. солк. эбилиннэ.
Бу суума федеральнай төлөбүргэ эбилик буолар. Бу туһунан бүгүн, от ыйын 9 күнүгэр, брифиҥҥэ Дьокуускайга байыаннай сулууспаҕа талыы пуунун инструктора, Арассыыйа сэбилэниилээх күүстэрин старшай прапорщига Алексей Колесов иһитиннэрдэ. Кини Саха Өрөспүүбүлүкэтигэр дуогабары түһэрсибит баҕалаах дьон олорор сирдэриттэн, регистрацияларыттан тутулуга суох эбии төлөбүр ылыахтарын сөп диэн бэлиэтээтэ.
«Олохтоох буолбатах гражданнарга биир кэмнээх төлөбүр кээмэйэ 400 тыһ. солк., оттон олохтоохторго 450 тыһ. солк. буолар. Ким баҕарар дуогабары түһэрсибит анал байыаннай дьайыы кыттыылаахтара уонна кинилэр дьиэ кэргэттэригэр өйөбүл миэрэлэригэр эрэниэн сөп. Чуолаан, кирэдьииттэн сынньалаҥ, оҕолор үөрэххэ киирэллэригэр анал кубуота, уочарата суох оҕо уһуйаанынан хааччыйыы, оскуолаҕа босхо аһылык, идэҕэ бэлэмнэнии, о.д.а. Ону тэҥэ, «Время героев» бырагыраамаҕа үрдүк үөрэхтээх, салайар уопуттаах Саха сирин байыастара кыттыахтарын сөп», — диэтэ Алексей Колесов.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…