Саха сиригэр хантараагынан байыаннай сулууспаҕа сүүмэрдээһин салҕанар

Өрөспүүбүлүкэ олохтоохторо байыаннай дьайыы кэмигэр РФ интэриэстэрин көмүскүүллэрин уонна РФ Сэбилэниилээх күүстэрин састаабыгар ситиһиилээхтик байыаннай соруктарын толороллорун салгыыллар.

«Хантараагынан сулууспа – Ийэ дойдутун уонна чугас дьонун көмүскүүргэ сананан туруммут хас биирдии киһи тус быыбара. Байыаннай сулууспаҕа хантараагынан киирэргэ биир кэлим сүүмэрдиир кииннэргэ тиийиэххитин сөп. Манна баҕалаахтар бары наадалаах тэрээһиннэри ааһыахтарын сөп. Докумуоннары бэрэбиэркэлээһин уонна наадалаах анкеталары толорбут кэннэ мэдиссиинэ үлэһиттэрэ киһи доруобуйатын туругун бэрэбиэркэлиэхтэрэ. Хантараагы түһэрсэргэ пааспар, байыаннай билиэт, үөрэх туһунан докумуон, ыал буолуу туһунан туоһу сурук уонна оҕолоох буоллахха кинилэр төрөөбүттэрин туһунан туоһу суруга наада буолуо», – диэн сэтинньи 14 күнүгэр Дьокуускай куоракка байыаннай сулууспаҕа хантараагы түһэрсээччилэри сүүмэрдиир пууҥҥа брифинг кэмигэр иһитиннэрдилэр.

Сүүмэрдиир пууннар аадырыстара уонна үлэлиир кэмнэрэ: өрөбүлэ суох күн аайы 09:00 чаастан 18:00 чааска диэри, Дьокуускайга – Чепалов уул., д. 23, уонна Сэргэлээхтиир шоссе 11-с км, 1, Нерюнгрига – Чурапчинская уул., 33, 3 куорпус, Мииринэйгэ – Октябрьскай 40 сыла уул., 26. Ону кытары олорор сиргитинэн байыаннай комиссариакка уонна дьаһалтаҕа тиийэргит наада. Байыаннай сулууспаҕа хантараагынан киирээччилэргэ биирдэ бэриллэр төлөбүр көрүллэр, оччотугар суумата 2 мөлүйүөн 600 тыһыынча солкуобайтан саҕаланар, ол иһигэр Саха сириттэн 1 мөлүйүөн 800 тыһыынча солкуобай, РФ Оборуонатын министиэристибэтиттэн – 400 тыһыынча солкуобай. Ону тэҥэ муниципальнай тэриллиилэртэн төлөбүрдэр бааллар, оччотугар суумалара 400 тыһыынча солкуобайтан саҕаланар. Эбии иһитиннэриини сүүмэрдиир кииннэргэ, байыаннай комиссариаттарга эбэтэр маннык саайтка: яконтракт14.рф, ону кытары маннык төлөпүөннэринэн ылыаххытын сөп: 8 (4112) 32-10-40, +7 924 166-13-93 (төгүрүк суукканы быһа үлэлиир).