Саха сиригэр байыаннай сулууспалаахтарга уонна кинилэр дьиэ кэргэттэригэр көмө оҥоруу салҕанар

Саха сиригэр байыаннай сулууспалаахтарга уонна кинилэр дьиэ кэргэттэригэр көмө оҥоруу салҕанар

Ааптар:
10.06.2024, 16:20
Хаартыска: www.sakha.gov.ru
Бөлөххө киир:

Саха сиригэр Ил Дархан Ыйаахтарыгар уонна да атын нуормалыыр аахталарга олоҕуран байыаннай сулууспалаахтарга уонна кинилэр дьиэ кэргэттэригэр аадырыстаах көмөнү оҥоруу үлэтэ салҕанар.

Эрэгийиэҥҥэ социальнай өйөбүл 28 көрүҥэ баар, ону таһынан Саха сиригэр социальнай тэрилтэлэрин баазатыгар саҥа өйөбүл миэрэлэрэ тиһигин быспакка киллэриллэр. «Саха сирин 317 байыаннай сулууспалаахтара санаторнай-курортнай эмтэниигэ сырыттылар, ону кытта кинилэр дьиэ кэргэттэрин 284 чилиэннэригэр байыаннай сулууспалааччы эмэтэнэр сиригэр диэри айан суолларын толуйар матырыйаалынай көмө бэрилиннэ. Итиэннэ 107 ыалга олорор дьиэлэрин гаастааһыҥҥа көмө оҥоһулунна», — диэтэ Саха сирин Бырабыыталыстыбатын бэрэссэдээтэлин солбуйааччы Георгий Степанов.

Саха сирин доруобуйа харыстабылын уонна социальнай хааччыйыы тэрилтэлэригэр реабилитациялааһыны анал байыаннай дьайыы 721 кыттыылааҕа уонна 1085 дьиэ кэргэттэрин чилиэттэрэ аастылар. Итини таһынан 223 киһи дьиэлэригэр олорон социальнай өҥөнөн туһаннылар. Нэһилиэнньэ дьарыктаах буолуутун кииннэригэр үлэ биэриигэ 133 кыттааччы уонна байыаннай сулууспалаахтар дьиэ кэргэттэрин 243 чилиэннэрэ сырыттылар. Онтон 111 киһи идэлээх үөрэхтээһиҥҥэ ыытылыннылар уонна 197 үлэнэн хааччылыннылар.

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: