Хаартыска: СИА
Саха сиригэр бу сылга байыаннай дьайыы кыттыылаахтарын уонна кинилэр дьиэ кэргэттэрин чилиэттэрин үлэҕэ киллэрии кубуотатынан 485 тэрилтэҕэ 885 үлэ миэстэтэ көрүлүннэ. Бу туһунан кулун тутар 25 күнүгэр СӨ Нэһилиэнньэҕэ дьарыктаах буолуу судаарыстыбаннай кэмитиэтин бэрэссэдээтэлин солбуйааччы Георгий Борисов иһитиннэрдэ.
«Анал байыаннай дьайыы кыттыылаахтарын уонна кинилэр дьиэ кэргэттэрин үлэ миэстэнэн хааччыйыы СӨ сокуонугар олоҕуран оҥоһуллар», — диэн Георгий Борисов бэлиэтээтэ.
Кини иһитиннэриитинэн, Дьарыктаах буолуу судаарыстыбаннай кэмитиэтинэн үлэ биэрээччилэр уонна үлэ миэстэтин таһаарыы баазаларын тэрийиигэ тэрээһиннэр ыытыллаллар. Ол курдук, Саха сиригэр Ийэ дойдуну көмүскээччи сылыгар үлэнэн хааччыйыы кэлим былаана оҥоһуллар. Этиилэри уонна идиэйэлэри оҥорорго «Аҕа дойдуну көмүскээччилэр» судаарыстыбаннай пуонда филиала, «Патриот» ыччат киинэ, «Феникс» инбэлииттэр уонна үлэ биэрээччилэр уопсастыбалара, ситэриилээх былаас уорганнара кыттыылаах стратегическай сиэссийэ ыытылынна.
Дьарыктаах буолуу сулууспатын уорганнара байыастары уонна кинилэр дьиэ кэргэттэрин чилиэннэрин үлэнэн хааччыйыыга бастакы учоарат бэрээдэгинэн үлэ салҕанан барар. Быйылгы сылга үлэни булууга 91 гражданиҥҥа көмө оҥоһулунна. Билигин 15 байыаннай дьайыы кыттааччыта уонна кинилэр дьиэ кэргэттэрин 15 чилиэннэрэ үлэнэн хааччылыннылар. Үөрэххэ 3 киһи, ол иһигэр 2 байыаннай дьайыы бэтэрээнэ ыытылынна.
Дьарыктаах буолуу сулууспатын уорганнарыгар туһаайыллыбыт үлэлэри таһынан үлэ биэрээччилэри, ол иһигэр биисинэс, бөдөҥ бырамыысыланнай тэрилтэлэри кытта бииргэ үлэлэһэллэр. Георгий Борисов муус устар 18 күнүгэр «Арассыыйа – мин устуоруйам» устуоруйа пааркатыгар судаарыстыбаннай кэмитиэт лииньийэтинэн Дьокуускайга Бүтүн Арассыыйатааҕы үлэ дьаарбаҥката ыытыллыаҕа, онно Саха сирин тэрилтэлэрэ үлэ миэстэтин таһаарыахтара диэн бэлиэтээтэ.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…