Саха сиригэр байыастарга социализациялааһын бырагыраамалара олоххо киирэллэр

Саха сиригэр анал байыаннай дьайыы кыттыылаахтарын өйөөһүҥҥэ уонна социализациялааһыҥҥа тиһиктээх үлэ бара турар. Биир маннык үлэ үтүө холобурунан  иккитэ бааһырбыт уонна дьиэтигэр этэҥҥэ төннүбүт байыаннай дьайыы бэтэрээнэ Николай Михайлович Сизых буолар.

Николай Сизых 2023 сыл алтынньытыгар бэйэтин баҕатынан батальон кэккэтигэр киирэргэ быһаарыы ылыммыта. Хорсун, дьоруойдуу быһыыларын иһин «Хорсунун иһин» мэтээлинэн наҕараадаламмыта.

Ростов, Москва уонна Солнечногорскай госпиталларыгар өр кэм устата реабилитацияламмытын кэннэ «Аҕа дойдуну көмүскээччилэр» пуонда эрэгийиэннээҕи филиалыгар өйөбүлүнэн туһаммыта.

Социальнай координатор мэдиссиинэ реабилитациялааһын боппуруостарыгар кэлимник арыаллаабыта, успуорт тэрээһиннэригэр кытыннарбыта уонна санаторнай-курортнай эмтээниинэн хааччыйбыта.

Николай Сизых 2024 сыл ахсынньытыгар Аҕа дойду Дьоруойдарын күнүгэр Байыаннай дьайыы бэтэрээннэрин ортолоругар аналлаах армрестлиҥҥа и пауэрлифтиҥҥа өрөспүүбүлүкэтээҕи күрэхтэһиигэ кыттыбыта.

Билигин мэдиссиинэ хамыыһыйатын ааһан, тырааныспары ыытыы үөрэҕин тэрийиигэ көмө оҥоһуллар. Суоппар быраабын ылыы боппуруостара быһаарыллаллар.

«Николай Сизых урукку үлэтин миэстэтигэр ситиһиилээхтик салҕаан, успуордунан дьарыктанар, оҕолору иитэр-үөрэтэр, бигэ туруктаах, олоххо эрэллээх буолууга уһуйар», – диэн «Аҕа дойдуну көмүскээччилэр» пуонда филиалыгар бэлиэтииллэр.