Хаартыска: СИА
Саха сиригэр байыаннай дьайыы кыттыылаахтарыгар, бэтэрээннэригэр, инбэлиит буолбут буойуттарга тырааныспары ыытар суоппардарга бэлэмниир бырагырааматынан үөрэтии сыанатын толуйаллара салҕанар. Бу СӨ Бырабыыталыстыбатын бэрэссэдээтэлин солбуйааччы Георгий Степанов санатта.
«Үөрэхтээһин сыанатын кээмэйинэн харчынан төлөбүрү биэрии 53 тыһыынчаттан тахса солкуобай буолуо суохтаах. Ону таһынан суоппардары бэлэмнээһин бырагырааматынан үөрэтиигэ өҥөнү оҥорууга дуогабар 2022 сыл олунньу ыйыттан түһэрсиллибитэ ирдэнэр. Төлөбүрү ыларга суоппар дастабырыанньата ирдэнэр. Билигин маннык толуйууну 10 киһи туһаммыт», — диэтэ Георгий Степанов.
Вице-премьер иһитиннэриитинэн, толуйууну ыларга сайабылыанньаны биир кэлим судаарыстыбаннай уонна муниципальнай өҥөлөр порталларын нөҥүө биэриэххэ сөп (http://www.gosuslugi.ru), е-Якутия эрэгийиэннээҕи портал (http://www.e-yakutia.ru/) эбэтэр «Мин докумуоннарым» элбэх өҥөнү оҥорор киин.
Саха сиригэр байыаннайдарга уонна кинилэр дьиэ кэргэттэригэр аадырыстаах көмөнү оҥоруу үлэтэ салҕанар. Билигин 178 ыал олорор дьиэни гаастааһыҥҥа материальнай көмөнү туһаммыт, 613 байыаннайдар санаторнай- курортнай эмтэниигэ көмөнү ылбыттар.
1146 кыттааччы уонна кинилэр дьиэ кэргэттэрин 2047 чилиэттэрэ доруобуйа харыстабылын уонна социальнай хааччыйыы тэрилтэлэригэр реабилитацияны аастылар. 383 киһи дьиэнэн социальнай өҥөнү туһаннылар.
Нэһилиэнньэ дьарыктаах буолуутун кииннэригэр үлэнэн хааччыйыыга 746 киһи, ол иһигэр 267 кыттааччы уонна кинилэр дьиэ кэргэттэрин 479 чилиэннэрэ тиийбиттэрэ. Онтон 158 киһи профессиональнай үөрэххэ ыытыллыбыт, 430 киһи үлэнэн хааччыллыбыт.
Санатан эттэххэ, Айсен Николаев Ил Түмэҥҥэ туһаайан этиитигэр эйэлээх олоххо төннөн кэлэр кыттааччылары социальнай адаптациялааһын биир сүрүн соругунан буоларынан ааттаата.
Томпо улууһун Мэҥэ Алдан сэлиэнньэтигэр аҕыйах да хонукка сылдьыбыт киһи кэрэхсии көрөрө олус элбэх. Мэҥэ…
3000-тан тахса вакансияны 200-тэн тахса Саха сирин хампаанньалара уонна тэрилтэлэрэ муус устар 18 күнүгэр «Работа…
Арктикатааҕы атыы-логистическай хампаанньа (АТЛК) өрөспүүбүлүкэ түөрт арктическай улууһугар: Абыйга, Орто Халымаҕа, Өлөөҥҥө уонна Анаабырга –…
Муус устар 1 күнүттэн Аҕа дойду көмүскээччилэрин дьиэ кэргэттэрин кэмитиэтин байыаннай дьайыы кыттылаахтарын, дьиэ кэргэттэрин,…
Оскуола иһинээҕи хоспоххо 2024 сыл олунньутугар икки оҕо ыккардыгар иирсээн охсуһууга тиэрдибит. Ол түмүгэр биир…
Саха сиригэр Өлүөнэ күргэтин тутуу быйылгы түһүмэҕин туһунан ТАСС пресс-кэмпириэнсийэ ыытыллар. Арассыыйа саҥа тырааныспарын «тымырын»…