Саха сиригэр балаҕан ыйыгар күн-дьыл туруга хайдах буолуоҕай?

Ааспыт атырдьах ыйыгар Саха сиригэр күн-дьыл туругун кэтээн көрүүттэн көрдөххө, салгын температуратын орто нуорматын куоһарбата. Бу ыйга ардахтаах уонна күннээх күннэр турдулар, ол курдук Саха сирин олохтоохторугар сир аһын хомуйарга уонна оттурга кыах бэрилиннэ.

Оттон балаҕан ыйыгар биһигини туох күүтэрий? Гидрометкиин үлэһиттэрэ бу ыйга хайдах күнү-дьылы билгэлииллэрий?

Синоптиктар кэпсииллэринэн, уопсайынан, ыйдааҕы cалгын температурата орто көрдөрүүнү куоһарбата уонна онтон намыһах буолбата күүтүллэр. Өрөспүүбүлүкэ үгүс оройуоннарынан ардахтаах күннэр тураллара сабаҕаланар, арай киин улуустарынан нуорматтан кыра, оттон  илин өттүгэр нуорматтан элбэх сөҥүү түһэрэ билгэлэнэр.

Бу нэдиэлэ бастакы күннэригэр салгын температурата +16С кыраадыстан түһүө суоҕа. Ону кытта бу ый устата былыттаах күннэр туруохтара. Ол курдук, балаҕан ыйын бүтэһик күннэригэр 19 күн устата быстах ардах түһэрэ уонна кыралаан тымныйара күүтүллэр.