Саха сиригэр балаҕан ыйын 20 күнүттэн илиминэн балыктааһыны бобуохтара

Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар. Бобуу собоҕо сыһыана суоҕун туһунан эрэгийиэн Экологияҕа министиэристибэтэ иһитиннэрэр.

Биир ый устата ханнык баҕарар илими Мииринэй, Үөһээ Бүлүү, Бүлүү, Ньурба, Сунтаар, Алдан, Амма, Ленскэй, Өлүөхүмэ, Нерюнгри, Уус Маайа, Таатта, Томпо, Уус Алдан, Чурапчы, Мэҥэ Хаҥалас, Хаҥалас, Горнай, Нам, Кэбээйи, Дьааҥы, Эбээн Бытантай, Муома, Өймөкөөн, Үөһээ Халыма улуустарыгар уонна Дьокуускай куорат муниципальнай тэриллиитигэр бэринэр административнай сирдэргэ-уоттарга туһаныы бобуллар.

Көҥүллэммит күөгүнэн туһаныы хааччахтаммат. Ону тэҥэ илиминэн собону туттарыахха сөп, бу көрүҥҥэ ыам ыйын 15 күнүттэн бэс ыйын 15 күнүгэр диэри бобуулаах кэм.