Саха сиригэр балаҕан ыйын 4 күнүгэр бүтүн өрөспүүбүлүкэтээҕи гражданнары кытта көрсүһүү ыытыллыаҕа

Саха сиригэр бу сыл балаҕан ыйын 4 күнүгэр бүтүн өрөспүүбүлүкэтээҕи гражданнары кытта көрсүһүү күнэ буолуоҕа.

Саха сирин олохтоохторун ыйытыктарыгар бары министиэристибэлэр уонна биэдэмистибэлэр, ону тэҥэ олохтоох салайыныы уорганнарын исписэлиистэрэ хоруйдуохтара.

Бу туһунан СӨ Ил Дарханынан уонна Бырабыыталыстыбатын пресс-сулууспата суруйар. Тэрээһиннэр күнүс 14.00 чаастан киэһэ 18.00 диэри барыахтара. Онуоха пааспардаах эбэтэр киһи лиичиниэһин туоһулуур атын докумуон баар буолуохтаах. Киһи тус бэйэтэ тиийэн кыттар кыаҕа суох буоллаҕына, видео сибээһинэн эбэтэр аудио сибээс эрэсииминэн көрсүһүү тэриллиэн сөп.  Көрсүһүү күнүн ыытыы  туһунан ордук сиһилии иһитиннэриилэри министиэристибэлэр уонна биэдэмистибэлэр, олохтоох салайыныы уорганнарын официальнай саайтарыгар билсиэххэ сөп.