2024 сылга Алдан улууһун Томмот куоратыгар балык собуотун тутарга былаанныыллар. Манна хатыыс, дьарҕаа, быйыт, бил курдук балыктар ыамаларын үөскэтиэхтэрэ.
Бырайыагы “Саха сирин тимир суоллара” хампаанньа өрөспүүбүлүкэ бырабыыталыстыбатын өйөбүлүнэн олоххо киллэриэҕэ. Бырайыак экология боппуруостарын быһаарарын сэргэ, үлэ саҥа миэстэтин таһаарарга уонна туризмы сайыннарарга туһалыаҕа.
Хампаанньа генеральнай дириэктэрэ Василий Шимохин бэлиэтээбитинэн, собуот тутуллар сирэ быһаарылынна. Хампаанньа бэйэтин үбүнэн бырайыактыыр-көрдүүр үлэлэри ыытар уонна бырайыак докумуоннарын оҥорор. Барыллаан чахчынан, собуот аныгы тэриллэринэн сэбилэммит 4 этээстээх дьиэлэниэҕэ.
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтигэр иһитиннэрбиттэринэн, билигин балыктааһыны тэрийэргэ Саха сиригэр 1054 балыктыыр учаастак тэрилиннэ, итинтэн 957 — бырамыысыланнай балыктааһыҥҥа, 68 — Хотугу сир аҕыйах ахсааннаах төрүт норуоттарын үгэс буолбут хаһаайыстыбаннай дьарыктарыгар, 29 – атын дьон балыктыырын тэрийэргэ.
Ил Дархан Айсен Николаев ыйааҕынан, балык ыаматын үөскэтии географията кэҥиир. Билигин сүрүн үлэ Чернышевскайдааҕы балык собуотугар ыытыллар.
(СӨ баһылыгын уонна бырабыыталыстыбатын пресс-сулууспатын матырыйаалларынан)
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…