Саха сиригэр балыктан косметиканы оҥоруу кэҥэтиллиэҕэ

Хотугулуу-Илиҥҥи федеральнай университет (ХИФУ) учуонайдара ыҥырыа бородуукталарыттан уонна эмтээх оттортон оҥоһуллар косметиканы кэҥэтэр былааннаахтар. Бу туһунан ТАСС-ка ХИФУ ректора Анатолий Николаев иһитиннэрдэ.

Ректор этэринэн, формулалары оҥоруунан ХИФУ Айылҕа билимин институтун эдэр учуонайдарын научнай лабораторията дьарыктанар. Косметика олоҕор олохтоох эрэ сырье туттуллар: хотугу эмтээх оттор, ыҥырыа  бородуукталара уонна саха балыгын хабаҕыттан ылыллар ураты коллаген уонна пептидтэр.

«Биһиги ырыынакка атыыга араас маастары, кириэмнэри уонна сывороткалары оҥорон таһаардыбыт. Бородууксуйаны боруобалааһын түмүгүнэн, туһанааччылартан үтүө сыанабылы ылла. Билигин былааҥҥа – оҥорон таһаарыыны кэҥэтии уонна саҥа ырыынактарга тахсыы», – диэн Николаев эттэ.

Оҥоһуллубут бородууксуйа  көрүҥэ икки сүрүн хайысхалаах: «Буос-кириэм» – ыҥырыа буоһугар уонна эмтээх оттор экстрактарыгар олоҕурар, ону таһынан, Саха сирин килиимэтигэр сөп түбэһиннэриллибит, сирэй тириитин күүскэ харайар, сиигирдэр кириэм. ХИФУ-га бэлиэтээбиттэринэн, бородууксуйа тастан киирэр импорты толору солбуйар кыахтаах.

• Саха сирин сүрүн сонуннара — Max
• Официальнай телеграм-ханаал
• «ВКонтакте» страница
• Rutube ханаал
• Дзен-ханаал