Бу күннэргэ Саха сирин үрдүнэн өтөрүнэн буолбатах тымныы бүрүүкээн турара өрөспүүбүлүкэтээҕи Ожоговай киин үлэтигэр дьайыылаах буолбут – үлүтүүлээх дьон ахсаана биллэрдик элбээбит.
Билигин ожоговай кииҥҥэ 85 киһи эмтэнэ сытар, олортон 60 киһи тымныыттан эчэйбит. Тохсунньу 21 күнүгэр бу тэрилтэҕэ Саха сирин доруобуйа харыстабылын миниистирин бастакы солбуйааччы Дмитрий Сергин тиийэ сырытта. Сергин балыыһа үлэтин кытта билистэ, үлэни атахтыыр кыһалҕа баарын-суоҕун быраастартан туоһуласта. РБ№2-ЦЭМП кылаабынай бырааһа Иван Иванов уонна Ожоговай киин салайааччыта Светлана Семенова тэрилтэ бүгүҥҥү үлэтин, баар кыһалҕаларын сиһилии кэпсээтилэр, миниистир солбуйааччытын кытта сүбэлэстилэр.
Бу балыыһа Саха сиригэр тымныы уонна сылаас дьайыытыттан эчэйбит дьоҥҥо суһал уонна анал көмөнү оҥоруунан анаан-минээн дьарыктанар соҕотох тэрилтэнэн буолар. Уһук Илин эрэгийиэнин термическэй эчэйииттэн эмтиир балыыһалартан биир бастыҥнара буолар. Ожоговай киин быраастара телемедицина ньыматынан атын доруобуйа харыстабылын тэрилтэлэригэр күнүстэри-түүннэри консультация биэриинэн дьарыктаналлар.
Санатан эттэххэ, 2021 сыл ахсынньытттан киин балыыһа “ожоговай” салаата В. В. Божедонов аатынан “Ожоговай киин” диэн туспа тэрилтэҕэ кубулуйбута. Билигин бу кииҥҥэ 116 быраас уонна доруобуйа харыстабылын үлэһиттэрэ үлэлииллэр.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…