Саха сиригэр бастакы чааһынай килииньикэ аборт оҥорортон аккаастанна

Саха сиригэр көҕүлээһини өйөөн, аборт оҥорорго лицензиятын төннөрбүт бастакы чааһынай килииньикэнэн «Яннамед» буолла. Бу быһаарыыны кэлэктиип уонна акушер-гинеколог быраастар биир сүбэнэн ылыммыттар.

Бу туһунан Доруобуйа харыстабылын министиэристибэтигэр иһитиннэрдилэр. «Биһиги — оҕо төрүүрүн өйүүбүт, хас биирдии кэскиллээх ийэ, хас биирдии дьиэ кэргэн оҕо төрөөһүнүгэр ордук улахан эппиэтинэстээхтик, дьахтар ийэ буолартан аккаастаннаҕына бэйэтин дьайыытын содулун дириҥник өйдөөн уонна ылынан сыһыаннаһарын тутуһабыт. Мин санаабар, ханнык баҕарар аборт дьиэ кэргэҥҥэ кута-сүрэ тостуутун, дьиэ кэргэн олоҕун иллээх-эйэлээх туругун сүтэриитин аҕалар», — диэн килииньикэ төрүттээччитэ, генеральнай дириэктэр Светлана Яковлева эттэ.

Санаттахха, 2023 сыллааҕы статистика дааннайынан, Саха сирин чааһынай килииньикэлэригэр сылга 2500-тэн 3000-ҕа диэри аборт оҥоһуллар. Судаарыстыбаннай статистиканан, өрөспүүбүлүкэҕэ ортотунан сылга 7000-тан 11 000-ҕа диэри аборт оҥоһуллар.