Хаартыска: www.sakha.gov.ru
Бырабыыталыстыба бэрэссэдээтэлин бастакы солбуйааччы Дьулустаан Борисов Уһук Илин федеральнай уокуругар киирэр эрэгийиэннэр экэнэмиичэскэй кииннэрин социальнай сайдыытын былаанын олоххо киллэриини ырытыһыыга кытынна. Тэрээһини видеонан кэмпириэнсийэ быһыытынан РФ Уһук Илини уонна Арктиканы сайыннарыы миниистирин солбуйааччы Эльвира Нургалиева ыытта.
“2025 сылга эрэгийиэҥҥэ бэрэсидьиэн единэй субсидиятын суотугар 3,2 млрд. солк. суумалаах 14 хамсааһын олоххо киирэр, ол иһигэр Дьокуускайы уонна Нерюнгрины сайыннарар уһун кэмнээх былааннар 9 тэрээһиннэрэ” – диэн бэрэссэдээтэли бастакы солбуйааччы бэлиэтиир.
Саха сиригэр бэрэсидьиэн единэй субсидиятын үбүнэн 28 социальнай бырайыак (мероприятие) олоххо киирбит. Ол иһигэр Уһук Илиҥҥэ саамай үрдүк технологиялаах кардиологическай киини тутуу уонна федеральнай уокурукка соҕотох “Үлэ кыбартаала” креативнай кластер. Ону тэҥэ, 190-тан тахса тэлгэһэни тупсарбыттар, оскуола успорка саалаларын туппуттар, Уһук Илин концессиятын тэрээһиннэрэ үбүлэнэллэр, “Саха сирэ” ТОР инфраструктуратын тэрийэллэр итиэннэ доруобуйа харыстабылын эбийиэктэрин уонна орто анал үөрэх тэрилтэлэрин мастарыскыайдарын саҥардаллар.
Ити туһунан Ил Дархан уонна Бырабыыталыстыба пресс-сулууспата суруйар. Сиһилии манна аааҕыҥ.
Бүгүн Чурапчы улууһун Мындаҕаайы нэһилиэгэр үөрүүлээх быһыыга-майгыга оҕолор сайыҥҥы сынньалаҥнарын «Кустук» лааҕыра аһылынна. Бу туһунан…
Бэс ыйын 18 күнүгэр Саха сиринээҕи Быыбар киин хамыыһыйата муниципальнай быыбардары анааһына салҕанар. Быыбар киин…
Манчаары оонньууларыгар таатталар эппиэтинэстээхтик бэлэмнэнэн, араас хайысхалаах үлэни көхтөөхтүк ыыталлар. Улуустааҕы дьаһалта пресс-сулууспата иһитиннэрбитинэн, улуус…
Санкт-Петербург куоракка норуоттар икки ардыларынааҕы экэнэмиичэскэй пуорум чэрчитинэн Саха сиригэр автономнай (гибриднэй) энергетическай комплекстары оҥорон…
2027 сылга Дьокуускайга дойду Бэрэсидьиэнэ Владимир Путин сорудаҕынан элбэх өҥөнү оҥорор киинэ павильона арыллыаҕа. Сүрүн…
Бэс ыйын 18 күнүгэр Санкт-Петербург куоракка норуоттар икки ардыларынааҕы экэнэмиичэскэй пуорум чэрчитинэн Ил Дархан Айсен…