Саха сиригэр бибилэтиэкэрдэр I сийиэстэрэ саҕаланна

Бүгүҥҥүттэн Дьокуускайга СӨ бибилэтиэкэрдэрин I сийиэһэ саҕаланна. Икки күннээх сийиэс бибилэтиэкэ салаатын исписэлиистэрин, былаас, үөрэх, билим, таһаарааччылар уонна уопсастыбаннай тэрилтэлэр бэрэстэбиитэллэрин түмтэ диэн Саха сиринээҕи национальнай бибилэтиэкэҕэ иһитиннэрдилэр.

“СӨ национальнай бибилэтиэкэтэ 100 сылыгар аналлаах пуорум “Сохраняя язык – создаем будущее” диэн этиинэн ыытыллар. Сийиэскэ өрөспүүбүлүкэ бары улуустарыттан кэриэтэ 200-тэн тахса киһи кыттар. Дьокуускайга судаарыстыбаннай, муниципальнай бибилэтиэкэлэр бэрэстэбиитэллэрэ эрэ буолбакка, оскуола, орто анал үөрэх тэрилтэлэрин бибилэтиэкэрдэрэ эмиэ кэллилэр. Сийиэс болҕомтотун киинигэр – 2032 сылга диэри СӨ бибилэтиэкэтин дьыалатын сайыннарыы стратегиятын былаанын олоххо киллэрии, о.д.а. биһиги үлэбит суолталаах боппуруостара” – диэн СӨ национальнай бибилэтиэкэтин дириэктэрин солбуйааччы Светлана Попова кэпсиир.

Өрөспүүбүлүкэҕэ 1194 араас бибилэтиэкэ үлэлиириттэн 503 судаарыстыбаннай, муниципальнай бибилэтиэкэ, 632 оскуола, 43 орто үөрэх, 9 үрдүк үөрэх уо.д.а. биэдэмэстибэлэр бибилэтиэкэлэрэ буолар.

Бу туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.