Саха сиригэр биэс баһаары утары үлэ бара турар

Саха сиригэр ыам ыйын 6 күнүгэр баһаар сезона аһыллыбыта. Бу кэмҥэ 12 ойуур баһаара умуруорулунна.

Билиҥҥи кэмҥэ өрөспүүбүлүкэ иһигэр биэс сиргэ – Алдан, Бүлүү, Үөһээ Бүлүү, Ньурба уонна Өлүөхүмэ улуустарыгар баһаары утары үлэ барар. Бу туһунан СӨ Экологияҕа министиэристибэтин пресс-сулууспата иһитиннэрэр.

Бүгүҥҥү туругунан 27,5 га иэннээх биэс сиргэ баһаары умуруоруу үлэтэ барар. Баһаары утары 79 ойуур баһаарын утары үлэлиир тэрилтэ үлэһитэ, 7 тиэхиньикэ, 14 улууһу кэтээн көрүүгэ 9 Cessna уонна Ан-2 салгын суудуналара үлэлииллэр. Ми-8 салгын суудуната баһаар буола турар сиригэр үлэһиттэри таһар.