Саха сиригэр биэс буостаны саҥардыахтара

СӨ Ил Дархана Айсен Николаев уонна Арассыыйа Буостатын генеральнай дириэктэрэ Михаил Волков өрөспүүбүлүкэҕэ буоста сибээһин сайыннарыы туһунан сөбүлэһиини баттаатылар.

«Сөбүлэһии быһыытынан биэс сибээс салаата саҥардыллыа. Арассыыйа буостата Саха сирэ таһаҕаһы тиэрдиигэ беспилотниктары ситиһиилээхтик туһанар уопутун бэлиэтээтэ. Бу халыып үрдүк көдьүүстээҕин көрдөрдө уонна инникитин өссө сайдыаҕа. Биһиги уопуппут көрдөрөрүнэн, дьоҥҥо өҥөнү чугас уонна табыгастаах оҥорор технологиялар уонна быһаарыылар нөҥүө сайыннарыахха сөп», — диэн Айсен Николаев бэйэтин ТГ-ханаалыгар иһитиннэрдэ.