Хаартыска: sakha.gov.ru
Ыксаллаах түгэни сэрэтэр уонна туоратар хамыыһыйа сарсыардааҥҥы мунньаҕар өрөспүүбүлүкэҕэ баһаар туһунан кэпсэттилэр. Бырабыыталыстыба бэрэссэдээтэлин бастакы солбуйааччы Дмитрий Садовников улуустар дакылааттарын иһиттэ уонна ойуур баһаарын умуруорууга күүстэрин, сириэстибэлэрин күүһүрдэллэригэр сорудахтаата.
Экология, айылҕаны туһаныы уонна ойуур хаһаайыстыбатын министиэристибэтэ иһитиннэрбитинэн, ааспыт сууккаҕа 45,3 га иэннээх ойуур үс уонна 204,5 га иэннээх айылҕа үс баһаарын умуруорбуттар. Ону кытта ойуур 3, айылҕа 1 саҥа баһаардарын булбуттар.
Күн бастакы аҥаарыгар өрөспүүбүлүкэҕэ 5 ойуур баһаарын умуруораллар: Өлүөхүмэ улууһугар – 3, Дьааҥы уонна Сунтаар улуустарыгар—биирдии. Ону тэҥэ, Дьааҥы уонна Ленскэй улуустарыгар 2 айылҕа баһаара бэлиэтэммит. Бары күөдьүйүүлэр нэһилиэнньэлээх пууннартан уонна экэниэмикэ эбийиэктэриттэн балачча ыраах бааллар.
Уоту кытта ойуур баһаарын тутулун 130 үлэһитэ охсуһар.
Дмитрий Садовников улуустарга баһаары утары ураты эрэсиими биллэрэргэ кэмигэр быһаарыыны ылалларыгар, ирдэнэр түгэнигэр ыксаллаах быһыы-майгы эрэсиимин биллэрэллэригэр сорудахтаата. Бу кэмигэр дьаһанарга, баһаары умуруорарга күүһү, сириэстибэни суһаллык түмэргэ ирдэнэр.
Бүгүн баһаары утары ураты эрэсиим Өлүөхүмэ уонна Сунтаар улуустарыгар биллэрилиннэ.
Ил Дархан уонна Бырабыыталыстыба пресс-сулууспата.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…