Хаартыска: Ил Дархан, бырабыыталыстыба дьаһалтатын пресс-сулууспата
Ааспыт суукка иһигэр Саха сиригэр 1340 га иэннээх биэс ойуур баһаарын Муома, Өймөкөөн, Усуйаана уонна Томпо оройуоннарыгар умуруордулар. Бу туһунан бэс ыйын 28 күнүгэр экология, айылҕаны туһаныы уонна ойуур хаһаайыстыбатын миниистирин солбуйааччы Андрей Коноплев иһитиннэрдэ.
Билигин уопсайа 364, 7 га иэннээх 10 ойуур баһаара уонна 75 га иэннээх ландшафтнай баһаар баар. Уот Алдан, Амма, Булун, Үөһээ Бүлүү, Өймөкөөн, Өлүөхүмэ, Орто Халыма, Уус Маайа уонна Усуйаана оройуоннарыгар умайар.
Быйыл сааскыттан Саха сиригэр 6861,8 га иэннээх сиргэ 56 ойуур баһаара буолбут. Былырыыҥҥыны кытта тэҥнээтэххэ, бу кэмҥэ 105 589 га иэннээх 189 баһаар баар этэ.
Амма, Ньурба, Өлүөхүмэ, Таатта уонна Өймөкөөн оройуоннарыгар 4-с кылаастаах баһаартан сэрэхтээх буолуу эрэсиимэ олохтонно.
Этиҥнээх ардах элбээн, өрөспүүбүлүкэ илин уонна хоту-илин өттүгэр тыаҕа баһаар тахсыан сөп. Онон экология, айылҕаны туһаныы уонна ойуур хаһаайыстыбатын министиэристибэтэ олохтоохтору тыаҕа улахан наадата суох тахсыман диэн этэллэр.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…