Саха сиригэр биэс сыл иһигэр 25,5 тыһыынча кэриҥэ социальнай хантараак түһэрсиллибит

Ил Дархан Айсен Николаев сылын аайы оҥорор Анал этиитигэр Ил Түмҥҥэ өрөспүүбүлүкэҕэ дьадайыыны аччатар туһунан соругу туруорбута. Бу манна биир саамай көдьүүстээх быһаарыныы — социальнай хантараактар. Бу көмөтүнэн судаарыстыба үлэ буларга, бэйэ дьыалатын тэринэргэ, олох ыарахан балаһыанньатыттан тахсарга көмөлөһөр судаарыстыбаннай өйөбүл миэрэтинэн буолар.

Өрөспүүбүлүкэҕэ биэс сыл иһигэр 25 406 социальнай хантараак түһэрсиллибит, ол иһигэр оҕолоох ыаллар эмиэ бааллар. Бу сыалларга барыта 2,4 млрд солк. көрүллүбүт.

Ааспыт сылга Саха сиригэр 6,5 тыһыынча ыал социальнай хантараагынан бэйэ дьыалатын арыммыт.

Бу мэхэньиисими 2019 сыллаахха бэрэсидьиэн Владимир Путин Федеральнай Мунньахха туһаайан этиитигэр киилэрбитэ. Ол олоххо киирэн, ааспыт сыллардааҕы социальнай хантараагы туһаныы быраактыката көдьүүстээҕин көрдөрдө. Холобура, өрөспүүбүлүкэҕэ хантараак ахсаана уонна үбүлээһин кээмэйэ сыллата элбээн иһэр. 2019 сыллаахха 3 539 хантараак түһэрсиллибит буоллаҕына, 2023 сылга 6 579 буолбут.