Хаартыска: SakhaGov
Саха сиригэр ааспыт сууккаҕа Бүлүү уонна Уус Алдан улуустарыгар турбут ойуур икки баһаарын умуллардылар. Ол туһунан СӨ Экологияҕа, айылҕа баайын туһаныыга уонна ойуур хаһаайыстыбатыгар миниистири солбуйааччы Андрей Коноплев от ыйын 10 күнүгэр брифиҥҥэ иһитиннэрдэ.
«От ыйын 10 күнэ саҕаланарыгар өрөспүүбүлүкэ сиригэр-уотугар Мииринэй улууһугар 1,7 га иэннээх сиргэ биир ойуур баһаара баара, ону суох оҥордулар. Ааспыт сууккаҕа баһаары умулларыыга барыта 60 киһи уонна 10 тиэхиньикэ үлэлээтэ”, — диэтэ миниистири солбуйааччы.
Баһаартан кутталлаах кэм саҕаланыаҕыттан барыта 341 ойуур баһаара бохсулунна.
2025 сыл бэс ыйын 5 күнүттэн Ил Дархан Айсен Николаев Ыйааҕынан, өрөспүүбүлүкэ сиригэр-уотугар баһаары утары ураты эрэһиим олохтоммута. Ол иһигэр, Дьааҥы, Өлүөхүмэ, Чурапчы, Эбээн Бытантай улуустарыгар уонна Жатайга ураты эрэһиим киллэриллибитэ.
Баһаартан кутталлаах кэм саҕаланыаҕыттан ойуур баһаарыгар буруйдаах 55 киһи булуллубута, ойуурга баһаартан куттал суох буолуутун быраабылатын кэһии иһин 135 боротокуол оҥоһуллубута.
«Ойуур баһаара баарын билэр түбэлтэҕэ суһаллык тыа хаһаайыстыбатын эрэгийиэннээҕи диспетчерин сулууспатыгар: 7 (4112) 44-74-76 эбэтэр ойуур харыстабылын биир кэлим нүөмэригэр: 8-800-100-94-00 эрийиҥ», — диэн Андрей Коноплёв бэлиэтээн эттэ.
Дьокуускайга ааспыт нэдиэлэҕэ сэттэ суол саахалыгар аҕыс киһи эчэйбит. Бу туһунан бүгүн киин куораттааҕы планеркаҕа…
Бүгүн, олунньу 9 күнүгэр, судаарыстыбаннай былаас ситэриилээх уорганын отчуота Алдан оройуонугар саҕаланар. Кирилл Бычков салайааччылаах…
Быйылгыттан Дьокуускайга оптуобустан сибэккини атыылыыр бобуллар. Бу ирдэбили сааскы бырааһынньыктар кэмнэригэр анал мобильнай бөлөхтөр бэрэбиэркэлиэхтэрэ…
Саха сиригэр хантараагынан байыаннай сулууспаҕа сүүмэрдээһин салҕанар. Бүгүн, олунньу 6 күнүгэр, брифиҥҥэ Дьокуускайга хантараагынан байыаннай…
Нэһилиэнньэни кытта бииргэ үлэлээһин көдьүүстээхтик барарын хааччыйар уонна төһө кыалларынан элбэх олохтооҕу хабар инниттэн хамаанда…
Ааспыт сууккаҕа Саха сирин үрдүнэн биэс буруйу оҥоруу түбэлтэтэ тахсыбыт, баларга сөптөөх бэрэбиэркэ ыытылларын туһунан…