Саха сиригэр «Бизнес- дьиэ кэргэн дьыалата» пуорум ыытыллыаҕа

Дойдуга Дьиэ кэргэн уонна Саха сиригэр Оҕо саас сылыгар СӨ Атыы-эргиэн, бырамыысыланнас балаатата от ыйын 10-12 күннэригэр «Бизнес — дьиэ кэргэн дьыалата» диэн улахан  IV пуоруму тэрийэн ыытыаҕа.

Пуорум кыттыылаахтарын дойду атын эрэгийиэннэрин кытта дьиэ кэргэн хампаанньаларын кытта доҕордоһуу көрсүһүүтэ, киэҥ дьыалабыай бырагыраама күүтэр: күүстээх трениннэр, үөрэх сэминээрдэрэ, ону тэҥэ култуурунай этно-бырагыраама.

Пуорум былаһааккатыгар «Бастыҥ Саха сирин дьиэ кэргэн дьыалата»  уонна «2023 сылга Саха сирин бастыҥ экспортера» өрөспүүбүлүкэтээҕи куонкурустар түмүктэрэ биллиэҕэ. Тэрээһин Саха сирин Бырабыыталыстыбата, Арассыыйа ТПП, «Мой бизнес» киин уонна Саха сиригэр экспоры өйөөһүн киин «Международная кооперация и экспорт» уонна «Малое и среднее предпринимательство и поддержка индивидуальной предпринимательской инициативы» национальнай бырайыактары олоххо киллэрии чэрчитинэн ыытыллар.

Сиһилии  пуорум бырагырааматын кытта саайка билсиэххэ сөп.